Qidiruv

ot Ayrim shaxs yoki ijtimoiy hayotdagi nuqsonlarni kulgi ostida olib, masxaralab aytilgan (yozilgan) gap, jumla, bayt, asar.

Avaz ayrim munofiq, nodon kimsalar xususida hajv aytdi. — S. Siyoyev, Yorugʻlik

Muqimiyni koʻrganlar kam boʻlsa ham, lekin uni ogʻizdan ogʻizga oʻtib kelgan diltortar gʻazallaridan, kuldirib ichakuzar hajvlaridan taniydiganlar koʻp edi. — M. Ismoiliy, Fargʻona tong otguncha.

U devoriy gazetaning redkollegiya aʼzosi edi, progulchilikka qarshi chiqarilayotgan shoshilinch son uchun uch-toʻrt band hajv yozib borishni iltimos qilishdi. — P. Qodirov, Uch ildiz

sft. Hajv yoʻli bilan tasvirlangan, hajv qilib yozilgan.

Hajviy asar. Hajviy sheʼr.

Elmurod dastlabki paytlarda gapxoʻr ulfatlarga gazeta yangiliklari va Mushtum jurnalining hajviy maqolalarini oʻqib berish bilan kifoyalanar edi. — P. Tursun, Oʻqituvchi

Orziqul fermadagi ishni tanqid qilib, hajviy qoʻshiq aytgan, shundan bir oz keyin mudir vazifasidan chetlashtirilgandi. — O. Husanov, Yaxshilarga ergashdim

ot Hajv qiluvchi, hajviy asar yozuvchi.

Mavlono Abdulvosi degan mashhur hajvchi-latifachining soʻz va harakatlari hammaning ichagini uzdi. — Oybek, Navoiy

Fors-tojik adabiyotining klassigi, mashhur hajvchi adib Ubayd Zokoniyning tugʻilganiga 700 yil toʻldi. — Gazetadan

ot Hajv bilan aytilgan, yozilgan sheʼr va shu kabilar

Sanʼatkor, xalq hajviyasining kulgi, kinoya, piching yoʻllaridan foydalanib, personajlarning jonli nutqini obrazli xalq tili yordamida beradi. — OʻTA

ot Hajviyalar, hajvlar, hajviy asarlar.

Bobur hajviyoti ayrim kishilar xarakteridagi baxillik, badfeʼllik, gʻiybatchilik kabi salbiy xislatlarga ham qaratilgan. — OʻTA

ot Hajv, hajviy asar yozish ishi, ijodning shunday sohasi. Aziz Abdurazzoq

Faqat sher yozib qolmay, nasriy hajvchilikda ham kuchini sinamoqda. — Mushtum

Men birgina jurnalist boʻlibgina qolmay, bu qozonda [gazetachilikda] shoirlik, hajvchilik, hikoyanavislikda ham pisha boshladim. — S. Abdulla, Mening dorilfununim