Qidiruv

ot 1. Kimsaning kimligini (shaxsiyatini), mashgʻulotini, biror tashkilotga aʼzoligini tasdiqlovchi guvohnoma (pasport, guvohnoma, talabalik bileti, aʼzolik bileti va shu kabilar).

Erkak kishi ichkariga kirdi va soat choʻntagidan hujjatini olib koʻrsatdi. — Oʻ.Umarbekov, Yoz yomgʻiri

Muhiddinning oʻrta maktabni kumush medal bilan tamomlagani, agronomiya maktabida oʻqigani haqidagi hujjatlarni koʻzdan kechirib, bir chekkaga surib qoʻydi. — R. Fayziy, Choʻlga bahor keldi

Inspektor hujjatlarimni sinchiklab tekshirdi. — S. Siyoyev, Yorugʻlik.

2. Biror ish-faoliyat yoki narsaga haq-huquq va shu kabilarni koʻrsatuvchi, tasdiqlovchi ish qogʻozi.

Ertalab borib, joʻnash uchun kerakli hujjatlarni oldi. — Shuhrat, Shinelli yillar

Qumqishloqqa ishga borasiz. Men hujjat yozib beraman. — H. Gʻulom, Mashʼal

Xoʻjabekov — rais, Saidgʻozi — uning qoʻl ostida yurgan kichik bir odam., barcha hujjatlarda Xoʻjabekovning qoʻli. — S. Anorboyev, Oqsoy

Ular savdo-sotiq hujjatini rasmiylashtirgach, haqiqiy ziyofat boshlanib ketdi. — K. Yashin, Hamza

3. Ilmiy, ijtimoiy yoki tarixiy ahamiyatga ega boʻlgan yozuvlar, suratlar, asar yoki adabiyotlar.

Urxun-Yenisey yozuvlari eng qimmatli tarixiy hujjatlardir.

Umid keliboq professorning maqolasini yozishga kirishib ketdi. Kitoblar titdi, gazetalarda bosilgan hujjatlarni oʻqib chiqdi. — Mirmuhsin, Umid

Hozir shahrimizda ana shu muhim hujjat katta qiziqish bilan muhokama etilmoqda. — Gazetadan

sft. 1. Hujjati bor, hujjatga ega boʻlgan.

Hujjatli shaxsiy avtomobil. Hujjatli hovli.

2. Maʼlum hujjatlarga, haqiqiy voqealarga asoslangan; voqeiy.

Hujjatli film,

Oʻzbekistonda birinchi hujjatli filmni Xudoybergan Devonov suratga olgan. — OʻzME

Hujjatli qissaning yozilishiga ustozlarning soʻnmas xotirasi undadi. Nazarmat, — Joʻrlar baland sayraydi

ot 1. Hujjat(lar)ni tayyorlovchi, rasmiylashtiruvchi.

2. Hujjat(lar) asosida film, asar va shu kabilar ustida ishlovchi.

Bu talantli film Oʻzbekiston kino hujjatchilarini uz ijodlariga yangicha nazar bilan, atrofimiz-da yuz berayotgan voqealarga chuqurroq yonda-shishga daʼvat etadi. — Gazetadan

sft. Hujjatga ega boʻlmagan.

fl. esk. Hujjat bilan (hujjat qilib) rasmiylashtirmoq (mol-mulk va shu kabilarni).

Toʻgʻri, boy otam mol-mulkini hujjatlab berishdan bosh tortgandan keyin, Salim gʻazablandi, bolalik qilib vakilladi. — Oybek, Tanlangan asarlar

ot 1. Hujjat ishlari.

2. Biror narsani hujjat bilan asoslash, hujjatlar bilan ish olib borish.

Keyingi vaqtlarda dramaturgiyada hujjatchilik ancha keng rasm boʻldi. — Gazetadan