Қидирув

сфт. Ҳазил қилишни яхши кўрадиган, бир-бири билан ҳазиллашадиган; ҳазилвон.

Ҳазилкаш йигит.

Жаббор ҳеч ўзгармаган, студентлик кезларида қандай бўлса — ўшандай софдил, ҳазилкаш эди. — О. Ёқубов, Учрашув

Бири биридан башанг, бири иккинчисидан дилкаш, ҳазилкаш, тегажак қувноқ одамлар. — И. Раҳим, Тақдир

Бир куни ҳазилкаш оғайнилари: — Мўйлов, аслида раис бўладиган савлатинг борда. Ҳозир ҳам раисдан қаеринг кам, — деб тегишишди. — С. Анорбоев, Оқсой

Ҳар кўчада, ҳар муюшда унинг турли табақага мансуб дўстлари ҳазилкашлари учрар эди. — Ойбек, Навоий

от Ҳазилкашга хос гап-сўз, хатти-ҳаракат; ҳазилкаш бўлиш, ҳазил қилиш.

Воси ака кулгисини босолмай, ҳазилкашлик билан деди: — Ўзинг яна битта қиз туғиб бер. — И. Раҳим, Тинимсиз шаҳар

— Нақ жаннатнинг эшиги олдига бориб қолган эдинг, укам, — деди Қудрат ҳазилкашлик қилиб. — З. Фатхуллин, Сўнмас юлдуз

Ҳазилкашликда бошқалардан ўзарди. — Н. Сафаров, Оловли излар