сфт. 1. Кишини ҳайратга соладиган, ҳайрон қолдирадиган, таажжублантирадиган.
Навкарларнинг ҳайратомуз ҳозиржавоблигига Қурбон қойил қолди. — Ш. Холмирзаев, Қил кўприк
Бола хотирасининг ҳайратомуз ўсаётгани катта-кичикни тонг қолдира бошлади. — Газетадан
Уста Ширинларнинг меъморчилик санъати ўз гўзаллиги билан ҳайратомуздир. — Н. Сафаров, Оловли излар
2. Ҳайрат ифодали, ҳайратли ҳолда.
— Кўп шаҳарларни билар экансиз, — деди Меъмор ҳайратомуз — Мирмуҳсин, Меъмор
Вали табиат қўли билан ясалган ҳайкалга ҳайратомуз тикилди. — С. Кароматов, Бир томчи қон