Qidiruv

ot Kimsaga xos, unga tegishli narsa, fazilat va shu kabilarni koʻrolmaslik, xush koʻrmaslik his-tuygʻusi.

Hasad va rashkdan ichi yonib ketayotgan boʻlsa ham, soxta beparvolik bilan dedi: bizlar saxiy odam, baxtiyor boʻlinglar. — F. Musajon, Huri

Javondagi qimmatbaho buyumlarni koʻrib, hasadi qoʻzgʻaldi. — Mushtum

bu ikki dongdor meʼmor oʻrtasida azaliy bir yashirin rashk-u hasad mavjud. Mirmuhsin, — Meʼmor

Yuragida uygʻonib hasad, Ich-etin yeb, Qiynaldi behad. — S. Ochil.

ot Soʻyilgan qoʻy yoki qoramolning ichagiga goʻsht, jigar, qorataloq kabilarning qiymasi va guruch aralashtirib solinib, qozonda qaynatib yoki qasqonda dimlab tayyorlanadigan taom.

Tansiq taomlarning masalligʻi noyob xillari ham bor, bular: ogʻiz oshi, soʻk oshi, dimlama hasip kabilardir. — K. Mahmudov, Oʻzbek tansiq taomlari

Roʻzi polvon oldiniga yogʻliq yaxna bilan, soʻngra six-kabob va hasip shoʻrva bilan mehmon qildi. — Sh. Rashidov, Boʻrondan kuchli

ot Qoʻlda tutib, yerga tirab, tayanib yurishga xizmat qiladigan maxsus tayoq; aso.

Yogʻoch hassa. Temir hassa. Koʻr hassasini bir yoʻqotadi. — Maqol

Shu on Hasan soʻfi xaloyiq ichidan hassasiga tayanib, oldinga chiqdi. — M. Ismoiliy, Fargʻona tong otguncha.

Kampir bir qoʻlida hassaga, ikkinchi qoʻlida Anorxonga suyanganicha qabristonga yoʻl oldi. — I. Rahim, Ixlos

ot 1. Bezash uchun ishlatiladigan narsa, buyum; bezak.

Aravalar gumbur, otlar semiz, kerakli anjomlardan tashqari, turli hashamlar bilan bezatilgan. H. Nuʼmon va A. — Shorahmedov, Ota

Yuzlab ulkan binolarning ichki hashami, bezagi u ishlab chiqaradigan buyumlarga mushtoq. — Mushtum

Uy-joy qurmagan, latta-putta yigʻmagan, mashina, hashamlarga ham xushi boʻlmagan. — S. Nurov, Narvon

2. Uy, imorat va shu kabilarning bezak ishlari va boshqalar ishlov, qurilmalardan iborat koʻrkli, salobatli, dabdabali koʻrinishi, holati.

Roʻzmatov bizni ichkariga taklif qildi. Kirdik. Ana klub-u mana klub. Kengligini koʻring-u, hashamini tomosha qiling. — Mushtum

Rais., oʻzining ikkinchi uchastkasiga hasham berish bilan band edi. — Mushtum

Qarshi shahrining hashami, salobati, bogʻlarining soʻlimligi yuqoridan [samolyotdan] yana ham latofatli. — Oʻzbekiston qoʻriqlari

3. Toʻy va boshqalar yigʻinlarga xos koʻtarinki holat; dabdaba, tantana va bularni yuzaga keltiruvchi narsalar.

Olimboy aka endi toʻy-u hashamlarda ilgarigidek katta gapirmas edi. — S. Ahmad, Saylanma

[Jamol xola] Ortiqcha hashamga, isrofgarchilikka yoʻl qoʻymasdi. Ana shunisi bilan yoqardi mahalladagilarga. — R. Fayziy, Hazrati inson

Rost, toʻyning hashami ham oz emasdi, unga uzoq, yil hozirlik koʻrilardi. — R. Rahmon, Mehr koʻzda

ot Biror ishni bajarishda koʻpchilikning ixtiyoriy, begʻaraz ishtiroki, ixtiyoriy koʻmagi.

Xalq taomiliga koʻra, choyxonalar hashar yoʻli bilan quriladi. — Oʻ. Hoshimov, Qalbingga quloq sol

Bizning qishloqda buvamning uylari hashar bilan qurilgani esimda. — I. Rahim, Qadriabad odamlar

Shahar va boshqa aholi yashaydigan punktlardagi ariqlarni hashar yoʻli bilan tozalashni uyushtirish darkor. — Gazetadan