Поиск

ot 1. Biror ish-yumushni birga bajaruvchi, birga amalga oshiruvchi.

Orada bir hafta oʻtgandan soʻng hamkori Barat bu maqolaga qarshi uzun bir maqola yozib berganida, Saidiy oʻqib kuldi. — A. Qahhor, Sarob

Shu payt u Mahkamga mashhur olim boʻlib emas oʻrtadagi ogʻir yukni birga koʻtarayotgan hamkor boʻlib koʻrindi. — P. Xodirov, Uch ildiz

2. Ish-faoliyatda oʻzaro koʻmakdosh; oʻzaro yordam, bamaslahatlik bilan ishlovchi.

Hamkor korxonalar.

— Bir soldat ikkinchi soldat bilan hamkor boʻlishi kerak, — derdi komandir. — M. Muhamedov, Qahramon izidan

ot 1. (q. Ish-faoliyatda birga, hamkor boʻlish, ayni bir ishda birgalashish, uni teng bajarish hamkor 1).

Avtomatchilar tankchilar bilan hamkorlikda hujumni davom ettirib, dushman mudofaasini yorib oʻtishdi. — T. Rustamov, Mangu jasorat

Marhum ustozim Ziyo Said bilan hamkorlikda Tarix tilga kirdi kitobini yozdik. — N. Safarov, Olovli izlar

2. Biror sohada oʻzaro bogʻlanib, birgalikda, hamkor boʻlib ish olib borish.

Iqtisodiy hamkorlik.

“Tohir va Zuhra“ filmi tugar-tugamas, Nabi Gʻaniyev kinorejissyor Komil Yormatov hamkorligida Nasriddinning sarguzashtlari kinokomediyasi ustida ish boshladi. — F. Joʻrayev, Obid Jalilov

Biz fiziologiya mutaxassislari bilan hamkorlikda yadro nurlanishlarining urugʻlik chigitga taʼsirini oʻrgandik. — Fan va turmush

Ahdlashuvchi tomonlar radio-eshittirish va kinematografiya sohasida hamkorlikni kuchaytiradilar. — Gazetadan