ot 1. Oʻtkir tabib; vrach, doktor.
Qadimgi dunyo hakimlari kishi asabiga muzikaning taʼsirini alohida taʼkidlaganlar. — Gazetadan
Shu kasalga chalinganimda, bir hakimga bordim. U tomirimni ushlab: — Sizniki kosib kasali, dalaga chiqing — dedi. — Oybek, Tanlangan asarlar
2. Donishmand, faylasuf.
— Bir zamonda, — dedi dadam, — Aflotun degan bir hakim oʻtgan ekan. — Oybek, Tanlangan asarlar
Forobiy ulugʻ yunon hakimining juda chigal falsafiy mulohazalari magʻzini chaqib bergan. — M. Osim, Ibn Sino qissasi
3. Hakim (erkaklar ismi).