Қидирув

от 1. Одатда жун, ипакдан тўқилиб, ерга, полга тўшаладиган ёки безак учун хона деворларига осиб қўйиладиган уй жиҳози; бадиий тўқимачилик буюми.

Ипак гилам. Туркман гилами.

Ости тахта пол бўлгани ҳолда, полнинг устига қизил гилам ташланган, икки ён деворга ҳам қизил гиламчалар қоқилган эди. — С. Айний. Қуллар.

Асл гиламлар тўшалган бу хонанинг тўрида ҳозир Аҳмад Танбал ўтирибди. — П. Қодиров, Юлдузли тунлар

2. кўчма поет. Ер бетини қоплаб олган майса ёки гул.

Чўпон қўбуз чалиб, молларин ёйди Барқит гилам ёзган тепа, қирларга. — Уйғун

Шамол майсалар орасида лола гиламларини силжийди. — Ойбек, Олтин водийдан шабадалар.

3. спрт. Кураш тушиладиган спорт анжоми; татами.

Гиламда енгил вазнли полвонлар курашмоқдалар.

от айн. Гиламдўз.

от Кичкина гилам.

от Гилам тўқувчи.

Гиламдўз аёл.

Мана, гиламдўзларнинг буюмлари. Улар ҳар хил материалларга ишланган. — Газетадан

от Гилам тўқиш касби, гилам тўқиш билан шуғулланиш.

Гиламчилик саноати.

от айн. Гиламчилик.

Ўзбекистонда гиламдўзлик қаторида газлама ишлаб чиқариш қадимдан кенг ёйилган эди. — М. Қодиров, Ўзбек халқ оғзаки драмаси