Қидирув

от ад. Аруз шеърий тизимида уч байтдан ўн тўққиз байтгача бўлган, Шарқ халқлари, жумладан, ўзбек адабиётидаги лирик шеър (Биринчи байтнинг ҳар икки мисраси, қолган байтларнинг иккинчи мисралари қофиядош бўлиб келади).

Ҳунарим, маълумингиз — ғазаллар ёзиш, Баъзан бир ҳижо қилур қонимга ташна. — Ғ. Ғулом

от 1. Ғазал ўқувчи, ғазал айтувчи; ғазал шинавандаси.

Кечқурун бу ерга ғазалхонлар йиғилади.

Атлас боғларингда қизғин, оташин, Ғазалхон дўстларнинг ўтди гурунги. — Зулфия

2. Ғазал ёзувчи.

Ҳабибий бахтиёр халқимизнинг саодатини куйлаган ғазалхон шоирдир.

от Шеъриятнинг (назмнинг) ғазал соҳаси.

Ҳозирги замон ғазалчилиги, бир томондан, мавзу доирасини мунтазам кенгайтиришга интилмоқда, иккинчи томондан, шаклбозлик ва қайтариқлардан қутулишга уринмоқда. — ЎТА

от Ғазал ўқиш, ёддан ғазаллар айтиш.

Ғазалхонлик қилмоқ.

Қаён борсанг, бир шоирни кўрасан: ҳар ерда — мачитда, мадрасада, бозорда, ошпазхонада — ғазалхонлик ва ғазал жанжали. — Ойбек, Навоий

от Ғазалкент ҳудудида яшовчи шахс.

от Ғазал ёзиш иши.

Шарқ адабиётида ғазалнависликнинг такомили ва ривожида Ҳофизнинг тутган мавқейи жуда буюкдир. — В. Абдуллаев, Шарқнинг улкан шоири