Qidiruv

sft. 1. Biror kimsa, narsa yoki gʻoyaga astoydil berilgan va ular uchun jondan kechishga ham tayyor; sodiq.

Mehnatkash, fidoyi, halol insonni oʻlimidan keyin eʼzozlash tiriklar qoʻliga chiroq tutqazish bilan baravardir. — Saodat

Bizning kishilar mard, kamtar, fidoyi, Sabotiga aytsang tasanno arzir. — M. Boboyev.

2. Koʻngilli, oʻz ixtiyori bilan kelgan askar.

Yosh Ahmad yangi tuzumni mustahkamlashga bel bogʻlagan fidoyilar safiga qoʻshildi. — Gazetadan

ot Oʻz tanlagan yoʻli, maslagi, gʻoyasiga, kasb-u koriga yoki biror kimsaga sodiqlik, oʻzini baxshida etish.

Fidoyilik bor joyda gʻalaba bor, deydilar. — Sharq yulduzi

Oʻziga shunchalar fidoyilik qilgan mana shu goʻzal qizning — jondan ortiq Azizasining oldidagi qarzini qanday uzsin?! — Oʻ. Hoshimov, Qalbingga quloq sol