Поиск

ot Muayyan bir vazifa bajaradigan yoki maʼlum bir sohaga, hududga mansub kemalar majmui.

Harbiy-dengiz floti. Baliq ovlash floti. Dengiz floti. Daryo floti.

Rivoyatlarga qaraganda, Arximed Sirakuzi shahrini qamal qilgan Rim flotining barcha kemalarini botiq koʻzgular yordamida yondirib yuborgan. — Fan va turmush

ot harb. Qoʻshin yoki kemalar safining oʻng yoki soʻl tomoni, yon tomoni, qanoti.

Rajabov oʻz pulyometi bilan nemis flangidan aylanib oʻtib, dushmanning orqa tomonidan urib qoldi. — N. Safarov, Olovli izlar

ot Yer kurrasining biror qismida yoki biror geologik davrda mavjud boʻlgan barcha oʻsimliklar majmui; oʻsimliklar dunyosi.

Oʻzbekiston florasi. Zarafshon florasi. Dengiz florasi.

ot Atir, odekolon, vino, dori quyish uchun ishlatiladigan kichikroq shisha idish.

Muqaddam flakondagi dorini shpritsga tortib oldi-da, ignasini yuqoriga koʻtardi. — Oʻ. Hoshimov, Qalbingga quloq sol

ot Yogʻochdan yasalgan, naysimon, puflab chalinadigan musiqa asbobi.

Fleyta — orkestrning yuqori tovushlarini beradigan, yogʻochdan yasalgan duxovoy [puflama] asbob. — I. Akbarov, Muzika savodi

ot 1. Yelkaga, kamarga osib yoki choʻntakda olib yuriladigan kichik yapaloq suvdon.

Har kuni ertalab, yoʻlga chiqishda olinadigan bir flyaga suz sal oʻtmasdanoq isib qoladi. — O. Yoqubov, Izlayman

Orif flyagasidagi oxirgi qultumni yaradorning suvsizlikdan tarsillab yorilib ketgan labiga tutdi. — A. Eshonov, Tongotar taronasi

2. Suyuq narsalar (sut, yogʻ va shu kabilar) ni saqlash yoki tashish uchun ishlatiladigan, bandli katta idish.

Sut quyiladigan flyaga.

Xotin-xalaj daladan chiqib, oʻchoq boshidagi katta flyagadan choʻmichlab suv icha boshladi. — S. Siyoyev, Otliq ayol