Қидирув

first-in random-outрусчапервый на входе – в произвольный момент на выходе (дисциплина обслуживания в ТМО)ўзбекчакиришда биринчи – чиқишда ихтиёрий онда (Тмода хизмат кўрсатиш интизоми)

от 1. Энг яқин, севимли кишидан жудо бўлиш, айрилиш ва бу туфайли тортиладиган руҳий азоб; айрилиқ, жудолик, ҳижрон.

Мардни ўлдирар фироқ, Номарддан номус йироқ. — Мақол

Қайси дилдор ўз ёрига фироқ изтиробини раво кўради. — М. Жўра, Изтироб

Волидамиз бедом-дарак кетган икки ўғлининг фироқида куйиб, ётиб қолибдилар. — А. Қаҳҳор, Қўшчинор чироқлари

2. Инжиқлик, эркалик; тантиқлик, ноз-у истиғно.

Тўфахон, фироқ билан қош чимириб, билганингиз дегандай елка учириб қўйди. — Ҳ. Назир, Кўктерак шабадаси

У ҳам сал нарсага зарда, фироқ қиладиган бўлиб қолди. — Муштум

3. Жаҳл, зарда.

Хадича хола фироқ қилиб, уйга кириб кетди. — Т. Алимов, Совға

— Ие, ҳа, фироғинг кимга, ҳазил ҳам қилиб бўлмайдими ёки арпангизни хом ўриб қўйдикми? — деди Шаҳло Зуҳрага. — Р. Файзий, Дугоналар

от Ноз ва фироқ; ноз ва фироқлар; эркалик ва тантиқлик.

Шариф, ўзимизнинг ёшлигимизни эсласанг-чи. Ноз-фироқ қилиб, мени куйдирган чоғларинг. — Н. Сафаров, Кимга тўй, кимга аза

— Э, ҳали ҳам ғўр экансан, болам. Дунёда хотин зоти борки, унинг ноз-фироғи бўлмай иложи ёʻқ, — деди Салтанат Эргашга. — Б. Раҳмонов, Қилмиш-қидирмиш

от Нозланиб ёки тихир-лик билан муносабатда бўлиш; ноз-истиғно ёки зарда.

Димоғ-фироқ қилмоқ.

Уйда ҳам ҳаловат ёʻқолди Олдинги иззат-икромлар димоғ-фироқ ва миннатга ўхшаш нордон киноя билан алмашина борди. — Ҳ. Назир, Кўктерак шабадаси

Тугаб боряпти-ю, димоғ-у фироқига ўлайми! — Ёшлик