Qidiruv

ot 1. Tirik organizmning yalligʻlanishi, chirishi tufayli vujudga keladigan qoʻlansa hidli sargʻish-koʻkish quyuqroq suyuqlik; yiring.

Fasod bogʻlagan yara. Yaraning fasodini chiqarmoq.

Difterit kasalligi yuzaga chiqqanda, tomoqda oq fasod paydo boʻladi. — N. Ismoilov, Kasallarni parvarish qilish

Fasodni siqib chiqaraman, deb yarani gazak oldirib qoʻydim. — M. Ismoiliy, Fargʻona tong otguncha

2. koʻchma Fitnalik bilan qilingan gʻiybat, igʻvo.

poytaxt osoyishtaligini buzgan ahli fitna va fasod ham jazodan xoli qolmasligi lozim. — Oybek, Navoiy

Oʻzaro talashlar, fitnayu fasod Mehnatni, savdoni, qoʻshiqni ezdi. — M. Shayxzoda, Toshkentnoma

3. koʻchma Yaramas, chirkin.

Turkistondan darhol qochish kabi fasod xayollarga bormaylik. — K. Yashin, Hamza

sft. Yiringga, fasodga oid; yiringdan, fasoddan iborat boʻlgan; yiringli, fasodli; yiring (fasod) bogʻlagan, gazak olgan;

ot Buzgʻunchi; gʻiybatchi, boʻhtonchi.

Amir Temur ayni vaqtda qonunbuzarlarni, oʻgʻri va qaroqchilarni shafqatsiz jazolatgan, fasodchi, buzuqi, nafsi yomon kishilarni mamlakatidan haydatgan. — Gazetadan

fl. 1. Gazak olib, fasod hosil qilmoq, fasod bogʻlamoq, yiringlamoq (yara haqida).

2. koʻchma Ogʻirlashmoq, chigallashmoq (ish, jinoyat haqida).

fl. Fasodlamoq feʼlining majhul nisbati.

ot Biror kimsa toʻgʻrisida tarqatilgan uydirma gap; tuhmat, boʻhton.

Ulugʻbekning ilm bilan shugʻullanishini ruhoniylar dahriylikka yoʻyib, unga qarshi fisq-fasod uyushtirdilar. — Fan va turmush

Hojar xolaning muomalasidan ham igʻvo, fisq-fasod anqib turadi. — Yu. Shomansur, Qora marvarid