Қидирув

от Баъзи шарқ мамлакатларида кийиладиган, попук қадалган кесик конус шаклидаги бош кийим; ҳожи дўппи.

Вазир бахмал фас кийган. — Шарқ юлдузи

Абдулвоҳид кичкина, чўзинчоқ бошидаги тоза, кўркам саллани қозиққа илди-да, эски айниган фасни — ҳожи дўппини кийди. — Ойбек, Нур қидириб

от 1. Бир йилни ташкил этадиган тўрт мавсумнинг бири (қиш, баҳор, ёз, куз).

Тошкентда уч фасл ёз: Баҳор — шошган ички ёз. Ёз — катта ва асл ёз. Куз — кечиккан кечки ёз. — М. Шайхзода, Тошкентнома

Ҳар фаслнинг ўз хислати бор. Ҳар фаслнинг — ўз фазилати Уйғун. Ҳар фаслнинг ўз ҳусн-латофати бор, деган гапни йил фасллари тўғрисидагина эмас, умр фасллари тўғрисида ҳам айца бўлар экан. — А. Қаҳҳор, Асарлар

2. эск .

Асарнинг бирор боби, қисми. Китоб тўрт фаслдан иборат.

Бу боришдан [ Отабек] бирор иш чиқара олдими, ёʻқми, бу тўғрида биз келаси фаслларнинг бирида ўрганармиз. — А. Қодирий, Ўтган кунлар

Ҳар ўлтирганда наҳот бир ҳикоя ёки бирон романнинг бир фаслини битиролмасам. — А. Қаҳҳор, Сароб

3. кўчма Вақт, муддат, давр.

Ўт соласан қалбимга, эй гул, Севги фасл танламас экан. — Ж. Жабборов, Тоғлар садоси

Севишмак гўзал фасл, севги ёшлик муттасил. — Ғайратий

от архит. Уй, бинонинг олд томони.

Халойиқ гуруллаб, фасаддаги сингари чироқлар билан ёритилган фоега ва ундан уч эшик орқали залга кирди. — А. Қаҳҳор, Қўшчинор чироқлари

от Бирор нарсанинг (масалан, тарашланган тошнинг) қирраси, рахи, чети;

ойнанинг тарашланган чети (қирраси);

от 1. Тирик организмнинг яллиғланиши, чириши туфайли вужудга келадиган қўланса ҳидли сарғиш-кўкиш қуюқроқ суюқлик; йиринг.

Фасод боғлаган яра. Яранинг фасодини чиқармоқ.

Дифтерит касаллиги юзага чиққанда, томоқда оқ фасод пайдо бўлади. — Н. Исмоилов, Касалларни парвариш қилиш

Фасодни сиқиб чиқараман, деб ярани газак олдириб қўйдим. — М. Исмоилий, Фарғона тонг отгунча

2. кўчма Фитналик билан қилинган ғийбат, иғво.

пойтахт осойишталигини бузган аҳли фитна ва фасод ҳам жазодан холи қолмаслиги лозим. — Ойбек, Навоий

Ўзаро талашлар, фитнаю фасод Меҳнатни, савдони, қўшиқни эзди. — М. Шайхзода, Тошкентнома

3. кўчма Ярамас, чиркин.

Туркистондан дарҳол қочиш каби фасод хаёлларга бормайлик. — К. Яшин, Ҳамза

от 1. Кийим, поябзал ва шу кабиларнинг бичими, ташқи кўриниши, шакли, модели.

Янги фасонда тикилган туфли.

Мижоз фасон танлагандан кейин, ундан ўлчовлар олинади ва бир неча соатдан сўнг кийим тайёр бўлади. — Фан ва турмуш

2. с. т. Янги бичим ёки моделда тикилган, илгари кўрилмаган нусхадаги.

Фасон кўйлак. Фасон туфли,

У [Ғойибжон] янгиликни севади, янги фасонни ёқтиради. — М. Жўра, Изтироб

Кўйлак учун юрган каби жаҳонда, Ўттиз кўйлак бари турли фасонда. — Муштум

3. с. т. Башанг бўлиб юрадиган; олифта.

Фасон йигит. Фасон бўлмоқ.

Бу Назо фасон бизга тинчлик берадими, ёʻқми? — С. Аҳмад, Қадрдон далалар

Ҳа, ана бу соат! Эртага фасон қилиб, раёнга тақиб борамиз. — Уйғун, Асарлар