Hayot Foundation loyihasi
Loyiha haqida
Oʻz
Oʻz

Qidiruv

«FİGʻ» boʻyicha 5 ta natija: Izohli

Filtr
Lugʻat turi
Izohli Tarjima Terminologik Frazeologik

Lugʻat maqolalari

5 ta
figʻon

ot Qattiq xafa boʻlish, qaygʻurish, alam chekish tufayli yuz beradigan yigʻi-sigʻi; nola, faryod.

Ona figʻon bilan yugurib kelib, mirshab qoʻliga osildi. — M. Ismoiliy, Fargʻona tong otguncha

Qurboning boʻlayin, ey onajonim, Sening faryodlaring — mening figʻonim. — M. Yusuf, Uyqudagi qiz

  • Figʻon chekmoq (yoki tortmoq) Dod-faryod koʻtarmoq, nola qilmoq, mungli tovush chiqarmoq. Tanbur mungli tovushda figʻon cheka boshladi. — E. Usmonov, YolqinQandaydir hasharot chiyillab figʻon chekadi. — F. Musajonov, HimmatBu yerlarda qaygʻu muttasil kezar. Bu yerda shamollar tortardi figʻon. — Gʻ, Gʻulom
  • Figʻoni oshmoq (yoki chiqmoq) Juda jahli chiqmoq, jigʻibiyron boʻlmoq. Buni koʻrgan Gulchehraning figʻoni oshdi, chin yurakdan achindi. — GazetadanAshurali qizning boʻsh kelmayotganligidan figʻoni oshdi. — Sharq yulduziFigʻoni chiqib Jalilovning oʻzi yetib keldi. — I. Rahim, Zangori kema kapitani
  • Figʻoni falakka (yoki koʻkka, osmonga) chiqmoq (yoki koʻtarilmoq) Hadsan tashqari xafa boʻlmoq, tutaqib ketmoq. Inobatning figʻoni falakka chiqdi. — J. Sharipov, SaodatCholning figʻoni koʻkka chiqib, ularni oldiga solib quvib ketdi. H. Ahmar, Kim haq?
Toʻliq maqola →
figura

ot 1. s. t. Gavdaning tuzilishi, bichimi; qaddi-qomat, jussa.

Figurasi nihoyatda chiroyli.

U qoʻgʻirchoqlar yasaydi suvenir figuralarning nodir kolleksiyasini yaratadi. — Gazetadan

2. Muayyan harakat (raqs, havoda uchish, suvda suzish, konkida uchish va shu kabilar) ni bajarishda kimsa yoki narsa tomonidan hosil qilingan holat, vaziyat.

3. Shaxmat oʻyinida: piyodalardan boshqa asosiy sipohlar; qarta oʻyinida: tuz, qirol kabi asosiy qartalar.

Zuhra shaxmat figuralaridan koʻzlarini uzmasdi. — Iboxon, Ulugʻ kun

4. shakl. Geometrik Simmetrik figura.

Alohida yoki bir-biri bilan turli kombinatsiyalarda olingan nuqta, chiziq va sirtlar geometrik figuralar hosil qiladi. — Geometriya darsligi.

5. koʻchma Biror ish, soha, jabhadagi asosiy, hal qiluvchi, yetakchi siymo. Talim-tarbiya ishida oʻqituvchi bosh figura sanaladi.

Terimchi va mexanik-haydovchi paxta yigʻim-terimida markaziy figura, hal qiluvchi kuch-dir. — Gazetadan

Toʻliq maqola →
figurali

sft. 1. Figuralar hosil qilib bajariladigan (

Figurali uchish musobaqasi haqidagi suratli afishalarni koʻzdan kechirdi. — A. Obidjon, Akang qaragay Gulmat

2. Koʻplab geometrik shakllarga ega boʻlgan.

Maʼlumki, koʻp figurali kartinalar yara-tish muallifdan yuksak madaniyat talab qiladi. — Guliston

Toʻliq maqola →
figurachi

ot sprt. Konkida turli figuralar hosil qilib uchuvchi, raqs tushuvchi sportchi.

Musobaqada figurachilarimiz beshta sovrinli oʻrinni egalladilar. — Gazetadan

Toʻliq maqola →