Qidiruv

ot 1. Kishining yoki kishilarning oʻz xohishi bilan ish-harakat qilish huquqi; ixtiyor, mayl.

Har kimning erki oʻzida. Uz erkiga qoʻyib bermoq. Erkini boʻgʻmoq. Qoʻlingga, tilingga erk berma,

Sanʼatkorda kuch va ishonch, erk va dadillik boʻlmas ekan, u oʻz maqsadiga erisha olmaydi. — F. Musajonov, Himmat

2. Siyosiy, iqtisodiy, huquqiy jihatdan mustaqillik; erkinlik.

Erk uchun kurashmoq.

Xalqqa erk uchun, non uchun, madaniyat uchun kurashga otilmoq kerak. — Oybek, Nur qidirib

sft. 1. Mehr, suyish hissi bilan munosabatda boʻlinadigan; suyukli.

Erka qizcha bilan mehribon otaning oʻrtasiga raxna solish johillik. — F. Musajonov, Himmat

Bulgʻorning erkasi, bolam, yoʻl boʻlsin — Erali va Sherali

Sayr etaylik, kel, birga, erkam, Rozi ketsin bizdan umrbod — Shodlik uchun yaralgan olam. — E. Vohidov, Muhabbatnoma

2. Koʻngliga kelgan ishni qilish uchun ixtiyor berib qoʻyilgan, taltaytirib yuborilgan, tantiq.

Erka tutsa onasi, taltayadi bolasi. — Maqol

Munis tengqurlariga oʻxshamasdi: juda erka edi, serjahl edi. — Oʻ. Umarbekov, Yoz yomgʻiri

Faxriddin erka oʻsgan tantiq bola boʻlgani uchun Niso buvi: — Ha, ishqilib, ikkovining joni omon boʻlsin, — deb qoʻya qolar edi. — A. Qahhor, Boshsiz odam

3. Erkalik, suyumlilik ifodalovchi.

— Yolgʻonchi ekansiz, — dedi u yana erka tovushda. — S. Siyoyev, Yorugʻlik

Gulnor chiroyli va erka tabassum bilan, xoʻp deganday, boshini qimirlatdi. — Oybek, Tanlangan asarlar

4. Erka (erkaklar va xotin-qizlar ismi).

ot 1. ayn. Er 1, 2.

Erkak jinsi.

Doya kelgandan soʻng, ichkari hovli erkak zotidan tozalandi. A — Qodiriy, Oʻtgan kunlar

Bilmadim, xotin tortingani uchun erkak tegishgisi keladimi, erkak tegishadigan boʻlgani uchun xotin tortinadimi? — A. Qahhor, Qoʻshchinor chiroqlari

2. Er jinsidagi hayvon, jonivor.

Erkak mushuk. Erkak qoʻy. Erkak gʻoz.

Xotinim qiz tugʻdi, deb xafa boʻlma, sherning erkak va urgʻochisi baravar. — Yoshlik

sft. 1. Har qanday toʻsiq, gʻov, monelik va shu kabilardan xoli boʻlgan, erk-ixtiyori oʻzida boʻlgan.

Erkin hayot.

Nahot chayqovchi oʻzini shuncha erkin sezsa! — A. Qahhor, Asarlar

endi erkin qush, boshi oqqan tomonga uchishi mumkin. — F. Musajonov, Himmat

2. Qiynalmay, qiyinchiliksiz, bemalol.

Mashqlarni erkin bajarmoq. Erkin harakat qilmoq.

Oʻrta Osiyo xalqlari tillarida erkin soʻzlaydigan Aleksandr Vasilyevich Sidorov bilimdon kishi edi. — Nazarmat, Joʻrlar baland sayraydi

3. Ochiq-oydin, bemalol tarzda.

Mazkur kitobda fuqaro huquqi haqida birmuncha erkin fikrlar aytilganini saroy ahli, jumladan, ahli fuzalo bilar edi. — Mirmuhsin, Meʼmor

4. Qisinish, tortinishdan xoli holda; bemalol.

Ular bilan koʻpdan tanishdek erkin gaplashib ketdim. — M. Xayrullayev, Tilla marjon

erkin, oʻrtogʻi bilan gaplashayotganday boʻldi. — R. Fayziy, Choʻlga bahor keldi

Ahmadning oʻzini erkin tutishi Tolib akaning sal jigʻiga tegdi. — F. Musajonov, Himmat

5. Siyosiy, iqtisodiy, huquqiy mustaqillikka ega boʻlgan, ozod, hur.

6. Erkin (erkaklar va xotin-qizlar ismi).

sft. Oʻz erki oʻzida boʻlgan; ozod, hur.

Erkli yurt.

Men erkliman, quvnoq qiz, Baxt cholgʻusi qoʻlimda. — Gʻayratiy

sft. Oʻz erki oʻzida boʻlmagan, ozodlikdan mahrum; erki yoʻq, haq-huquqsiz, tobe.

Erksizga erk bermoq.

Zamonning zayli shu boʻlsa, oʻzim erksiz, kuchsiz bir bechora boʻlsam, nima qilay axir, jon qizim! — M. Ismoiliy, Fargʻona tong otguncha.

Bular tag-tomiri bilan yoʻq qilinmasa, xalq erksiz yashay beradi. — J. Sharipov, Xorazm