Поиск

ot 1. Odamlar, tashkilot, korxonalarni, badiiy va boshqalar qadriyatlarni urush, tabiiy ofat kabilar xavfidan saqlash maqsadida bir joydan boshqa joyga koʻchirish.

Ikki hafta davom etgan evakuatsiya hech qanday talafotsiz tugadi. — Gazetadan

Ming-ming yaradorlar bilan bir vaqtda evakuatsiya qilingan zavod-fabrikalarni qabul qilib joy hozirlash kerak edi. — N. Safarov, Olovli izlar

2. Jangovar harakatlar boʻlayotgan joylardan yaradorlar, asirlarni, taʼmirga muhtoj va ortiqcha asbob-uskuna va harbiy texnikani front ortiga joʻnatish.

favqulodda vaziyatlar hududidan odamlarni piyoda yoki transport yordamida olib chiqib ketish.

sanitar yoʻqotishlar yuzaga kelgan joy (oʻchoq)lardan tibbiy yordamga muhtoj shikastlanganlar (bemorlar)ni evakuatsiya qilish boʻyicha tadbirlar tizimi.

odamlarni ularga xavfli omillar taʼsiri boʻlishi mumkin boʻlgan binodan tashqariga uyushtirilgan holda mustaqil harakat qilish jarayoni. O.b.e. evakuatsiya yoʻllari boʻylab evakuatsiya chiqish joylari orqali amalga oshiriladi.

ot Urush, tabiiy ofatlar tufayli xavfsiz hududlarga koʻchirilgan aholi va muassasalarni, ularga tegishli mol-mulklarni, urush va tabiiy ofat oqibatlari bartaraf etilgach, avvalgi joyiga qaytarish.