Qidiruv

sft. 1. Ishni tez va uddaburonlik bilan bajarish qobiliyatiga ega; uddaburon.

Bizda hushyor savdogarlar, epchil boylar bor, ular koʻpaymoqda. — Oybek, Tanlangan asarlar

Qorachadan kelgan, epchil Mahkamboy aka maslahat oshlari tepasida turgani uchun, har bir toʻy va maʼraka risoladagidek oʻtardi. — M. Osim, Tilsiz guvoh

2. Tez, chaqqon harakatli; shunday harakat bilan.

Epchil bir yigit darhol kinoapparatini gʻilofidan chiqarib, maxsumni suratga ola boshladi. — H. Gʻulom, Zamin yulduzlari

Hamma Nazir ota kabi shiddatkor, Goʻyo ovga chiqqan epchil, zoʻr burgut. — R. Bobojon

Keyin epchil oʻrnidan turib, elektr ustarada soqolini qirtishladi. — F. Musajonov, Qalb amri

Oʻktam chiroyli saman otiga epchil mindi. — Oybek, Tanlangan asarlar

ot Epchil ish tutish, harakatlanish qobiliyati; shunday harakatning oʻzi.

Janglarda botirlikdan koʻra quvlik, mohirlik, epchillik ish beradi. — T. Rustamov, Mangu jasorat

Uning har bir harakatidan harbiylarga xos keskinlik hamda epchillik sezilib turibdi. — K. Yashin, Hamza

Soʻngra epchillik bilan Boychiborga mindi-yu, Oltinsoyga qarab yoʻl oldi. — LU. Rashidov, Boʻrondan kuchli

ot Yogʻoch gardishga xom teri qoplangan, gʻallani yelpish, sovurish uchun ishlatiladigan roʻzgʻor buyumi.

Oʻgay qizning oldiga bir kepchik guruch bilan bir kepchik moshni qoʻyib ketibdi. — Zumrad va Qimmat

ot Doʻppi, toʻn va shu kabilarning maxsus qavigʻi; ipni sirtga chiqarmay tikiladigan mayda qaviq.

Doʻppi tepchigi. Tepchigi yirik doʻppi.

Juda qoʻpol bir tepchik, Tepasi choʻqqi, kichik, Kizagi salkam sara, Jiyagi oʻn uch iplik. — Gʻ. Gʻulom

Aksar doʻppilar tepchigidan qirqilib, piltasi koʻrinib turadi. — A. Qodiriy, Obid ketmon

fl. 1. Doʻppi, yoqa va shu kabilarni ipni sirtga chiqarmay mayda qavimoq, tepchigini tikmoq.

Doʻppi tepchimoq.

Onam lampa yoniga oʻltirib, jiyak tepchishga kirishdi. — Oybek, Bolalik

2. Toʻrlab tikmoq, chatmoq.

Kostyumning mix ilgan joyini tepchib qoʻymoq.

fl. Tepchimoq feʼlining orttirma nisbati.