Поиск

ot Bir joyli yoki bir elga, qabilaga mansub kishilar (bir-biriga nisbatan).

Ubaydullaxoʻja aʼlam shikoyatchi boylarning eldoshlari oldida obroʻ uchun kurashayotganlarini angladi — P. Tursun, Oʻqi-tuvchi

Men bu yerga eldosh ogʻaynilarni koʻray deb keldim. — M. Qoʻshjonov, Diydor

ot zool. Uncha katta boʻlmagan, ovlanadigan dengiz baligʻi.

Astraxan seldi. Okean seldi.

sft. 1. Beli yoʻgʻon, beli baquvvat; kuchli.

Joʻra askarning yukini olib beldor eshakka ildam ortib piyoda ketdi. — Oybek, Oltin vodiydan shabadalar

Yoʻgʻon Usmon mirob — barvasta, beldor, Soqol koʻksida, koʻzlar katta, hushyor. — Habibiy

2. ot. Tar. Belkurak bilan ishlovchi; bel bilan qurollanganlar.

Qoʻrgʻon himoyachilari doʻldek yogʻayotgan toshdan va oʻqlardan saqla-nish uchun oʻzlarini panaga olgan paytlarida beldorlar xandaqning anchagina qismini toʻldirib tashladilar. — M. Osim, Oʻtror

ot 1. Tikilgan oʻtovning belidan oʻrab bogʻlangan arqon.

Uyni suluv koʻrsatadi oq beldov ham boʻsagʻasi. — Qoʻshiqlar

Kuyamon alp otdan tushib, otni uyning beldoviga ildirib ichkarisiga kirdi. — S. Rahimov, Alp

2. Beshikning tepa qismidagi yogʻoch.

Chaqaloq birdan tushgan yorugʻlikdan koʻzlarini pirpiratib, avval beshik beldovidagi koʻz-munchoqqa, soʻng yuziga barmoq tekkizgan Muazzamxonga qaradi. — Yoshlik

ot Oʻrta tibbiy maʼlumotga ega boʻlgan tibbiyot xodimi, vrach yordamchisi.

Zebo gospitalga oʻz xohishi bilan feldsher boʻlib kirgach, onasiga ham ish topilib qoldi. — Shuhrat, Shinelli yillar

Xullas, Otajon yigirma olti yoshida feldsher boʻldi. — S. Zunnunova, Goʻdak hidi

ot 1. Belga ichdan bogʻlab olinadigan issiq (odatda paxtali) belbogʻ.

2. Biror narsaga koʻndalangiga, beliga qoʻyiladigan, oʻrnatiladigan narsa.

Har oʻtovning beldamchasi kimxobdan keragasi kumushdan, ostonasi tillodan, boʻsagʻasi yoqutdan. — Usmon baxshi Mamat oʻgʻli, Boʻtakoʻz