Поиск

ot 1. 3-sh. birl. (egni) 1. Orqaning yelka va boʻyin orasidagi ustki qismi.

Endi egnimni qisib turmayin, qandoq boʻlsa, bularga bir soʻz aytayin, deb Yodgor bir soʻz aytayotir. — Yodgor

Oʻzi polvon siyoqli.. Har egni kirday, qarashi toʻqaydagi sherday. — Oysuluv

2. Kishi tanasi (gavdasi)ning kiyim kiyiladigan ust qismi.

Mana hozir Munisxon yotoqxonadan chiqib keladi. Egnida oq koʻylak. — Oʻ. Umarbekov, Yoz yomgʻiri

3. Engil, kiyim-bosh.

Suvdan chiqdik, shosha-pisha egnimizni kiya boshlagandik, chorvoq tomondan birov koʻrindi-yu, pisib oldi. — M. Joʻra, Iztirob

ot s. t. Engil-bosh, kiyim-bosh.

Gʻulomjonni shaharda koʻproq ajablantirgan narsa shu boʻldiki, u madrasadan ketib qolgandan beri gadoylar, tilanchilar, egni-boshi xaroblar ilgarigidan ham koʻpayib ketgan edilar. — M. Ismoiliy, Fargʻona tong otguncha.

fl. kam qoʻll. Daxl qilmoq, tutinmoq; gap-soʻz yoki qoʻl bilan tegmoq.

Eshikni ochsa ham, idish-tovoqlarga teginsa ham, tars-turs, qars-qurs qilib, kimdandir oʻch olayotganday boʻlardi. — R. Rahmon, Mehr koʻzda

Holin bilmay, har kim halok boʻladi, Kim bunga teginsa, tayin oʻladi. — Alpomish