ot 1. Qattiq ishonch, dildan eʼtirof etiluvchi tushuncha, nuqtai nazar, qarash.
Eʼtiqodga koʻra, chinor mingga kirgan soati oʻzidan-oʻzi yonib ketishi kerak ekan. — A. Muxtor, Chinor
Har qanday odamning ham oʻziga xos xulq-atvori, eʼtiqodi, dunyoqarashi boʻladi. — F. Musajonov, Himmat
2. Biror kimsaga yoki narsaga boʻlgan ishonch; ishonch va ixlos bilan qarash.
Joʻraboy otaning komandir yigitga eʼtiqodi oʻn chandon oshdi. — H. Gʻulom, Mashʼal
Omon otada bilimga, ilgʻor usullarga eʼtiqod juda baland. — H. Nazir, Mayoq sari
3. Xudoga yoki umuman biror gʻayritabiiy kuchga ishonish; imon.
U oʻz eʼtiqodi bilan diniy odam boʻlib, namozni ham kanda qilmaydi, roʻzani ham. — Sh. Rashidov, Qudratli toʻlqin
- Eʼtiqod qoʻymoq Eʼtiqod bilan munosabatda boʻlmoq, bogʻlanmoq. Yerni sevgan, unga eʼtiqod qoʻygan dehqon moʻl hosil uchun kurashni erta kuzdan boshlaydi. — GazetadanSiz u bilan sinashta emassiz-ku, eʼtiqod qoʻyishingizni qarang. — S. Yunusov, Kutilmagan xazina