Қидирув

от Илоҳий кучга, Худога ишонишга асосланган дунёқараш, тасаввур, урф-одат ва маросимлар мажмуи.

Ислом дини. Христиан дини. Будда дини. Дини бошқанинг феъли бошқа. — Мақол

Ислом дини кишиларни тўғри ёʻлга бошлайди. — Ойбек, Танланган асарлар

— Жаноби олий учун, дин учун, шариат учун жонимиз-молимиз фидо, — деди белига қилич осиб, кифтига бешотар милтиқ кўтарган бир йигит. — С. Айний, Қуллар

Имонига, динига мустаҳкам покиза одам бор жойда ажина юз чақирим нарига қочармиш. — С. Аҳмад, Ҳукм

от физ. Дина.

сфт. Динга оид, динга алоқадор бўлган, динга, руҳониятга тегишли.

Диний ақидалар. Диний эътиқод. Диний таълимот. Диний адабиёт.

Онам диний, дунёвий китобларни ўқиган, саводли, ниҳоятда сабрли, одамларга меҳрибон аёл бўлган. — Шукрулло, Жавоҳирлар сандиғи

У [Тўрахон] ўз эътиқоди билан диний одам бўлиб, намозини ҳам канда қилмасди, рўзани ҳам. — Ш. Рашидов, Қудратли тўлқин

Элмурод оқсоқол билан эшон ўртасидаги диний мунозарага аралашишни лозим кўрмади. — П. Турсун, Ўқитувчи

от 1. Қадимда мусулмон мамлакатларнинг олтин тангаси. Ҳозирда Ливия, Тунис, Ироқ, Иордания, Жазоир, Судан, Қувайт каби мамлакатларда амал қилувчи пул бирлиги.

— Менга ҳозирча эллик минг динор пул керак бўлиб қолди, — деди эътирозга ёʻл қўймайдиган оҳангда. — М. Осим, Ибн Сино қиссаси

2. Тилла, олтин.

Гадога салом берма, динор бер. — Мақол

сфт. Динга амал қилувчи, худога, динга ишонувчи; художўй.

Мулла Обид ҳар қанча диндор бўлса ҳам, Хатиб домланинг ғаразсиз бир киши эканлигига унча ишонмайди. — А. Қодирий, Обид кетмон

Султон Али Мирзо Хўжа Яҳёга қарши кескин чора кўролмайди, чунки бутун диндорлар Хўжанинг томонида. — П. Қодиров, Юлдузли тунлар