Qidiruv

rvsh. 1. 1 Birdan, baravariga, tez.

Duv toʻplanmoq. Duv etib uchmoq

Hovli oʻrtasidagi bir tup tut duv pishipti. Bolaning koʻzlaridan duv yosh toʻkildi.

Kumushbibi oʻz ustiga duv yigʻilgan qizlarga koʻzini qaratdi-da, choʻntagidan roʻmolchasini olib, koʻz yoshini quritdi. — A. Qodiriy, Oʻtgan kunlar

2. Tamoman, butunlay.

Sochlari duv oqargan, ammo koʻz karashlari tiyrak doktor opa har kuni Sherzoddan nima tush koʻrganini soʻraydi. — Oʻ. Hoshimov, Qalbingga quloq sol

Mahbubaning bugʻdoyrang kulcha yuzi duv qizardi. — O. Yoqubov, Tilla uzuk

s. takr. Duv ; juda koʻp, behisob.

Duv-duv toʻkilmoq.

U oʻgʻlining doʻstlarini koʻrishi bilan koʻzlaridan duv-duv yosh toʻkdi. — H. Gʻulom, Mashʼal

Bolalar qoqishsa, duv-duv tushadi: Ogʻiz tinmas oppoq tutidan. — Mirtemir, Asarlar

ot 1. Mevali daraxtning bir yilda ikkinchi bor bergan mevasi.

Duvarak olma. Olmaning duvaragi.

Bir yillik novdalarda yetilayotgan uzum boshlari bilan bir qatorda bachki novdalarda duvarak paydo boʻlishi mumkin. — Fan va turmush

Baʼzi shoxlarda bultur chala terilgan mevalar —

duvarak olxoʻrini eslatuvchi zaytunlar qurib yotardi. — H. Gʻulom, Zamin yulduzlari

2. koʻchma Boʻyi past, pachaq (odam haqida).

Duvarak odamlar.

Yoʻldosh poʻchtachining duvarak qizicha ham boʻlolmaysan, sendan yosh, lekin oʻn hissa koʻp ishlaydi. — Yoshlik

3. koʻchma Xom, gʻoʻr; tajribasiz.

Kelganiga bir yil, yarim yil boʻlib qolganlar bor., duvarak boʻlsa ham, pulni puflab tugadiganlar — bularni oz-moz pul bilan ragʻbatlantirish mumkin. — A. Muxtor, Tugʻilish

4. Umuman, xar narsaning kichkinasi, yetilmagani.

Poyezd meni kichkinagina, nomi hali temir yoʻl xaritalariga kirmagan duvarak bir razyezdga tashlab oʻtib ketdi. — S. Ahmad, Qadrdon dalalar

— Avrab ham boʻshaydi bu duvaraklarni, — arz qildi Ubayda xola xit boʻlib. — Sh. Toshmatov, Tongdagi koʻlanka.

fl. Duvullamoq feʼlining orttirma nisbati.

fl. Duvurlamoq feʼlining orttirma nisbati.

fl. Duvullamoq feʼlining birgalik nisbati.