Qidiruv

ot

Bandga tushgan bu koʻngildir, menda, ayting, ne gunoh, Dil qushiga dom qoʻygan ul ikki joduda ayb. — E. Vohidov, Muhabbat

Zumrad makkorning domiga tushgan edi, chor-nochor boʻyin egdi. — S. Siyoyev, Otliq ayol

Qafasdan boʻshadi erk istagan qush, ohu xalos boʻldi yirtqich domidan. — Uygʻun, Tong qoʻshigʻi

2. koʻchma Asirlik, tutqunlik.

Men u sahro goʻzalining boʻynidagi zulm domini uzib olib tashlamoqqa qodir edim. — Oybek, Navoiy

Yoʻq, esi-hushi sizda, muhabbatingizning domiga tushdi. — Oybek, Tanlangan asarlar

3. koʻchma Birovni ilintirish yoki oʻzining yoʻliga yurgizish uchun qilingan hiyla, nayrang; shu maqsadda qoʻyilgan tuzoq, qop-qon.

Ahmoq boʻlmasam, shularning hiylasiga laqqa tusharmidim, Akramning domiga ilinarmidim. — O. Yoqubov, Aytsam tilim kuyadi, aytmasam — dilim

Erkin-erkin oʻynab yurgan boshqa ohular bu zolim sayyodning domiga tushmasin, deydi. — K. Yashin, Hamza

ot Domen (feodalga qarashli yer-suv, mulk); 2. davlat mulki (kapitalistik mamlakatlarda).

ot 1. s. t. 1 Domulla.

Xatib domla joʻnatilgandan buyon katta masjid namozsiz qolayotganga oʻxshardi. — A. Qodiriy, Gʻirvonlik Mallavoy

2. Har qanday ilmli kishiga hurmat bilan murojaat etish shakli.

Shayxzoda domla, garchi meni oʻqitmagan boʻlsa ham, men oʻqigan institutda dars berar edi. — Shukrullo, Saylanma

Domlasi, shu qizimga yaxshi baho qoʻyvoring. — X. Toʻxtaboyev, Shirin qovunlar mamlakati

ot 1. Temir rudalaridan choʻyan olish uchun qurilgan maxsus pech, inshoot.

Motorlar guvullar jahon yoʻllarida, Domnalar tinimsiz mehnatkash. — A. Muxtor, Asarlar

2. Domna gazi

3. Domna pechi

4. Domna jarayoni

ot shv. ayn. Kuyov.

Doktor xotin kuldi: — Ibi, men seni domod qilmoqchiman-ku! — Yoshlik

Dastlab shahar ahli uni Oʻrtoq muharrirning domodi deb aytardi. M. M. — Doʻst, Lolazor.

sft. 1. Doʻmpaygan, doʻmpayib (koʻtarilib) chiqqan.

Doʻmboq peshona. Doʻmboq joy.

Qoʻllarini pastga tushirib, doʻmboq tizzalarini yopib oʻtirdi. — S. Nurov, Narvon

tepalikdagi xarob qishloq goʻristoni va onasining doʻmboq qabrigina butun chinligi bilan uning koʻzlariga qadaladi. — Oybek, Tanlangan asarlar

2. Doʻmpayib, koʻtarilib turgan joy yoki narsa.

Peshonasida doʻmbogʻi bor.

Uchlarida botayotgan quyoshning shulasi oʻynagan ikkita adil oq qayin orasida doʻmboq paydo boʻldi. — Oybek, Quyosh qoraymas

3. koʻchma Toʻladan kelgan, semiz, loʻppi.

Doʻmboq bola.

Yoʻlda Shamsiqamar degan doʻmboq juvon bilan uchrashib qoldi. — Mirmuhsin, Umid

Temirbek doʻmboqqina yigit, jindek ovsarligi va dovdirligi ham bor. — X. Toʻxtaboyev, Yillar va yoʻllar