Қидирув

фл. 1. Дирк-дирк ҳаракат қилмоқ, лорсиллаб турмоқ.

Кўкраклар оёқларнинг оҳангдош учишига мос диркиллайди. — Ойбек, Қуёш қораймас

Бутун гавдаси силкинади, кўкси диркиллайди. — С. Аҳмад, Уфқ

Ичкари хонадан югуриб чиққан ярим яланғоч раққоса буралиб, аъзойи баданини диркиллатиб, ўйинга туша кетди. — Мирмуҳсин, Қаҳрамоннома

2. айн. Дикилламоқ 1.

Шу пайт кўча эшиги зарб билан очилиб, диркиллаб беш-олти қўзи кирди. Ёшлик. Бедовимни диркиллатиб Ҳар кўчганда тўплар отиб, Элима кеткали келдим. — Гўрўғли

3. кўчма Нарсанинг янгилиги, бўликлигини ифодалайди.

Ликопчаларда бутунича қўйилган диркиллаган бодринг, олма шаклидаги қип-қизил помидор иштаҳани қитиқлайди. — Н. Аминов, Тилло табассумлар

Сап-сариқ олтиндек товланиб турган палов диркиллаб турарди. — Ж. Мусажонов, Ҳиммат

сфт. 1. Роса етилган, тўлишган, бўлиқ; таранг.

У яшил барглар орасидан мўралаб турган дўланадай диркиллама қўшалоқ кўсакни кўриб, кўзлари чақнаб кетди. — Шарқ юлдузи

2. Диркиллаб турадиган; бўлиқ гавдали, лорсиллаган.

Диркиллама бадан

У чоқлар Гулшодхоним чилвир соч, оқ шоҳидек силлиқ, тоғ эчкисидай диркиллама эди. — У. Исмоилов, Сайланма

фл. Диркилламоқ феълининг орттирма нисбати.

фл. Диркилламоқ феълининг биргалик нисбати.