Поиск

Davlat va xoʻjalik boshqaruvi idoralarini belgilash tizimi

sft. 1. Birovga yomonlik istovchi, buzuq niyatli, badxoh.◆

Tushunaman, umr qisqa, Haq dasti ham qisqaroq, Ammo nechun shu umrda Buncha badbin yashamoq? — A. Oripov, Yillar armoni

2. Jamiyat axloqiy normalariga toʻgʻri kelmaydigan; yaramas.◆

[U] Eski Sharqdagi badbin urf-odatlarga qarshi, xotin-qizlarni huquqsiz qulga aylantirishlariga qarshi isyon qilardi. — H. Nosirova, Men oʻzbek qiziman

Taqsiri olam, bu gʻalamis gaplarga aslo quloq sola koʻrmang. Bular sizni chalgʻitish uchun atayin aytilgan badbin gaplardir. — J. Sharipov, Xorazm

3. Umidsiz, tushkun holatli; pessimist.

Qaygʻura bil, lekin badbin boʻlmagil, Qaygʻu tabiiy hol, badbinlik yomon. — Uygʻun

Kimsalar, badbin deya boqmang bu kun Abdullaga, Tinglasa gohi yurib moziy elidin zorlar. — A. Oripov

sft. 1. Yoqimsiz hid tarqatuvchi; yoqimsiz hidga ega; qoʻlansa, sassiq.

Avaz badboʻy hiddan boʻgʻilib uygʻondi. — S. Siyoyev, Yorugʻlik

Oshxonaning mendan ham kattaroq rahbarlar ovqatlanadigan xilvat burchagidan odam bolasi chiday olmaydigan badboʻy hid anqiy boshladi. — X. Toʻxtaboyev, Shirin qovunlar mamlakati

2. koʻchma Yomon, yaramas; xavfli.

Odobni odobsizdan oʻrgandim degandek, balki ota hayotining baʼzi badhazm, badboʻy tomonlari qizni uzoqlarga nazar tashlashga majbur qilgandir. — N. Safarov, Uzoqni koʻzlagan qiz

Vatanimizning zangori osmonini badboʻy bulutlar qoplagan ogʻir sinov daqiqalarida ham uning [Gʻafur Gʻulomning] baland naʼrasi uzoq-uzoqlarga eshitilib turdi. — Gazetadan

ot 1. Amalga oshirish, roʻyobga chiqarish uchun yoʻl-yoʻriq va chora.

Hosil-dorlikni oshirish tadbirlari.

haqiqat oldida u hayron va bunga qarshi tadbir oʻylash bilan garang edi. — A. Qodiriy, Oʻtgan kunlar

Bu tadbirning kelib-kelib Toʻlamatdan chiqqanini aytmaysizmi! — S. Anorboyev, Oqsoy

2. Maqsadni amalga oshirish yoʻlidagi ish, xatti-harakatning oʻzi.

Bu shunchaki oddiy tadbir boʻlmay, u yer yuzida tinchlikni mustahkamlash ishi bilan chambarchas bogʻlanib ketadi. — Fan va turmush

Har bir tadbir talabalar tarbiyasini takomillashtirishga yoʻnaltirilgan. — Gazetadan

Hosil tugish davrida chekanka qilish muhim agrotexnik tadbirlardan biri hisoblanadi. — Gazetadan

3. Maʼlum maqsadda tashkiliy ravishda amalga oshiriladigan (bajariladigan) ish, ishlar.

Toshkent shahar kinolashtirish boshqarmasi va kinofilmlar prokati Zulmatdan ziyoga nomi bilan katta madaniy tadbir oʻtkazishga hozirlik koʻrmoqda. — Gazetadan

sft. Oʻzini yoki oʻz manfaatini hammadan ustun qoʻyuvchi.

Xudbin va dilozor kimsaning axir Ogʻzi qon yirtqichdan qanday farqi bor?! — A. Oripov

Isfandiyorning injiq va xudbin koʻnglida oʻch olovi yonar, isyonkorlarni birma-bir dorga ostiraman, deb ont ichib qoʻygan edi. — S. Siyoyev, Avaz

sft. 1. Baxti kulmagan, turmushdan yolchimagan; baxtsiz, baxti qaro, bebaxt.

Meni qargʻamang, qargʻamang badbaxt qizingizni, onajon! — Hamza, Boy ila xizmatchi

Manavi goʻdak — jigaringiz Nizomni ham badbaxt qilgan odamsiz. — S. Ahmad, Ufq

Koʻz ochib koʻrgani aldadimi — bas, shoʻrlik umr boʻyi oʻzini badbaxt va aybdor hisoblaydi. — Yoshlik

2. koʻchmas.t. Yaramas, ablah, shafqatsiz maʼnosidagi haqorat, qargʻishni ifodalaydi.

Ey, badbaxt, bultur birov paygʻambarlik daʼvosini qilib osilib oʻlgan edi, sen shundan ibrat olmadingmi, debdi. — Askiya

Badbaxt odamdagina rahm-u shafqat boʻlmaydi. — Fan va turmush

Tortmoqqa Yodgorda darmon qolmadi, Oʻz holiga badbaxt dushman qoʻymadi. — Alpomish