от
1.
Ўртага ёзиб, устига овқат қўйиладиган махсус мато, рўзғор буюми.
Ёмоннинг дастурхонидан яхшининг устухони яхши. — Мақол
Қумри кулранг бўз дастурхонни ёзди. — Ҳ. Ғулом, Машъал
Хуш келибсизлар. Қани, дастурхонга марҳамат. — С. Аҳмад, Юлдуз
2.
кўчма
Ўртага ёзилган шундай дастурхон ва унинг устига қўйилган таомлар.
Тўкин дастурхон. Дастурхон безамоқ. Дастурхон тузамоқ. Дастурхонга боққан дўст эмас. — Мақол
Юртимизнинг фаровонлиги, дастурхонимизнинг тўкинлиги ана шу оқ пахтадан. — Газетадан
Шоҳона дастурхон ёзилганди. — С. Сиёев, Ёруғлик
3.
кўчма
Мамлакат, жамият бойлиги, ризқ-рўзи.
Биз мамлакатимиз улкан дастурхонига оқ олтинимизни қўшишимиз билан фахрланамиз. — Р. Файзий, Таъзим
Сендақа пайтимизда биз, наинки машоқ, оғзимиздаги нонимизни ҳам эл дастурхонига қўйганмиз. — О. Ёқубов, Эр бошига иш тушса
- Дастурхонга ўтирмоқ Овқатланишга ўтирмоқ.
Бу орада Ҳамза ҳам ҳужрасидан чиқиб, дастурхонга ўтирди. — К. Яшин, Ҳамза
- Дастурхонга қарамоқ (ёки қараб ўтирмоқ) Еб-ичиб ўтирмоқ.
Қани, дастурхонга қаранг. — К. Яшин, Ҳамза
- Дастурхон емоқ Зиёфат емоқ.
Жамоамизнинг барчаси ҳам ҳозир бўлиб, дастурхон ер эрдик. — А. Қодирий, Ғирвонлик Маллавой
- Дастурхон қилмоқ Бирор гапни яр қаерларда ҳар кимларга гапириб, овоза қилиб юрмоқ, дастмоя қилиб олмоқ.
Сиз кимга яхши кўринмоқчи эдингиз, ёлғон гапни дастурхон қилиб юрибсиз? — П. Қодиров, ҚадримЧойни ичиб, пиёланинг четини кафти билан артаркан, юрагидаги дардини дастурхон қилишга киришди. — Ёшлик
- Нонини еб, дастурхонига оёқ артмоқ Яхшиликка ёмонлик қайтармоқ.
