от 1. Манбаидан қуйилиш жойи томон табиий ўзандан доимий равишда оқиб турадиган катта сув.
Зарафшон дарёси. Азим дарё. Дарё суви. Дарё бўйи. Ўтирган — бўйра, юрган — дарё. — Мақол
Томчи тошиб бўлгунча, дарё оқиб бўлар. — Мақол
Пастликда Чорвоқдан фаввора бўлиб отилиб чиқаётган сув дарё ҳосил этиб, олға боряпти. — Газетадан
Кечаси дарё шунақа чиройли бўладики, Канизакхон! — А. Қаҳҳор, Қўшчинор чироқлари
2. кўчма Кўп миқдордаги нарсалар ҳақида.
Хаёл дарёси.
Ботир ёрим, биламан, сиз қайғу дарёсига мендан чуқурроқ ботдингиз. — Ойбек, Танланган асарлар
Одамлар дарёси янги шаҳар томонга оқарди. — П. Турсун, Ўқитувчи
Қуёш ботган. Лекин унинг олов дарёси турли ранглар билан товланиб, чексиз бир парда каби уфқларда мавжланади. — Ойбек, Танланган асарлар
3. кўчма Битмас-туганмас; бой; кенг.
Тақсиримнинг илмлари жуда дарё, ўзлари Бухорода хатми китоб қилганлар! — А. Қодирий, Меҳробдан чаён
Худойимнинг бир дарёси ғазаб бўлса, минг дарёси раҳмат. — Ҳамза, Танланган асарлар
4. эск. айн. Денгиз.
5. ёки Шўр дарё Дарёйи шўр Каспий денгизи.
Бу арғумоғингиз билан Дарёйи шўргача етасиз. — Ойбек, Навоий
6. кўчма Бойлик, хазина.
Санъаткор халқ тили дарёсидан ўринли фойдалана олса, бир қатраси билан серзавқ, анча бақувват гуллар кўкартира олади. — ЎТА
7. кўчма Ўтиб кетувчи, ўткинчи.
Ҳайҳот! Ёшлик, болалик бир дарё — оқди-кетди. Минг афсус. — К. Яшин, Ҳамза
8. кўчма Оқим, кечмиш; тарз.
Оқибатда турмуш дарёси истаган томонга оқизди. — Ш. Рашидов, Бўрондан кучли
Ҳамма нарса ўз ёʻлидан борар, ҳаёт дарёси уни ўзининг ўйноқи тўлқинларига миндириб, ҳамон олға сурарди. — Ў. Ҳошимов, Қалбингга қулоқ сол
- Дарё бўлмоқ 1. Оз-оздан қўшилиб, кўпайиб, дарёга айланмоқ. Оз-оздан ўрганиб, доно бўлур, қатрадан кўпайиб, дарё бўлур. — МақолБирлашган дарё бўлур, Тарқалган ирмоқ бўлур. — МақолКўз ёши дарё бўлиб оқди.Юрагим дарё бўлиб Тошди севинч қирғоғидан. — Ё. МирзоДарёдан бир томчи, Тўнғиздан бир тук. — МақолБу айтганларим дарёсидан бир томчигина!. — Назир, Сўнмас чақмоқлар
- Юраги дарё айн. юраги кенг Ҳамманинг юраги сеникига ўхшаган дарёми? — Ойдин, ФарҳодларБунча юрагингиз дарё бўлмаса, жаврайвериб жағим толди, ё ҳа, ё ёʻқ, демайсиз. — Муштум