от 1. Савдо-сотиқ, меҳнат, ишлаб чиқариш соҳаларидан давлат ёки айрим шахслар ҳисобига келиб тушадиган соф пул ва бошқа хил тушумлар; кирим.
Бир кунлик даромад. Давлат даромади. Миллий даромад. Даромадга қараб буромад. — Мақол
Унумли меҳнат — катта даромад. — Мақол
Тўғрилик, ҳалоллик туфайли топилган даромад оилага бахт келтиради. — Саодат
Ўзбекистон шароитида асаларичилик яхши даромад берадиган соҳа ҳисобланади. — М. Тўйчиев, Асаларичилик
Даромадга яраша буромад деганларидек, тўй ҳам шунга қараб жуда дабдабали ўтди. — Муштум
2. Муқаддима, кириш.
Гапнинг даромади.
Гапнинг даромади тугаб, энди буромадга кўчди, шекилли, — ўйлади чол. — Муштум
Шу орада эртакнинг даромади тугаб, Қосимахон сув париси ҳақида гапира бошлади. М. М. — Дўст, Галатепа қиссаси.
3. Бирор мақсадни англатиш учун шу мақсад атрофида узоқдан бошланган гап.
— Шунақа қилиб, Нарзини ҳам юбормоқчимисиз? — деди кампир, дарров гапнинг даромадини пайқаб. — Ҳ. Назир, Маёқ сари
домланинг сўз даромадига қараганда, сизни ўзига куёв қилиш фикри борга ўхшайди. — А. Қодирий, Меҳробдан чаён
Онахон Ҳақназарова даромад қилиб ўтирмасдан, шартта шу янги гигант обектни олишни таклиф қилди. — Газетадан
4. Бирор жойга кириладиган ёʻл, эшик, ёʻлак.
Уйларнинг даромади ва деразалари кўчадан кўринади. — А. Қодирий, Обид кетмон
Агар ҳужра даромадига эшик қуриладиган бўлса, қоронғи бир қабр, яна ҳам тўғриси, дахма ҳолига киради. — А. Қодирий, Обид кетмон
- Даромад солиғи Ҳамма турдаги даромаддан олинадиган давлат солиғи.
- Даромад тақсимоти Хўжаликларда йил бўйи олинган даромадни меҳнатга қараб тақсимлаб чиқиш. Иш сентябрнинг охирларида бошланиб, даромад тақсимотига яқин тугади. — А. Қаҳҳор, АсарларДаромад тақсимотидан кейин келин билан куёвнинг иши жуда кўпайиб кетди. — А. Қаҳҳор, Қўшчинор чироқлари