от 1. Илгари вақтларда дераза вазифасини ўтаган бир ёки қўш табақали эшикча.
Ота дарвозага тамба тираб, қўшнининг дарчасидан ўтиб, кўчага чиқди. — С. Нуров, Нарвон
Тўтибу Зумраднинг қўлидан хатни тортиб олиб, дарча томон югурди. — С. Зуннунова, Олов
2. Эшик ёки деворга ўрнатилган кичкина эшикча ёки дераза.
Кўпинча ёпиқ бўладиган касса дарчасидан ёқимли зарҳал нур тушиб туради. — П. Қодиров, Уч илдиз
Очиқ дарчанинг юпқа ромига икки тирсаги билан таяниб, ташқарига кўз солди. — А. Мухтор, Асарлар
Дарчаларга атлас ва шойи пардалар тутилган. — М. Осим, Карвон ёʻлларида
3. кўчма Фойдаланиш, кириш имкони; ёʻл.
Дастурхон устида қизиди суҳбат. Очди гўё бирдан фан дарчасини. — М. Икром
Қайси бир одамнинг бахтига ёрсан, Очилдими сенга толе дарчаси? — А. Орипов, Йиллар армони
Эзгулик дарчасин чертмади бекор, Сокин кечиб ўтди ўту сувидан. — Отаёр, Оқ фасл
- Биқинидан, пешонасидан (ёки қулоғининг тагидан) дарча очиб қўймоқ Қулоғининг тагига бир туширмоқ; калтаклаб ёки совуқ қурол билан жароҳатламоқ (дўқ, пўписа ибораси). Ҳотам шўро кўриб қолса, нақ пешонангдан дарча очади. М. М. — Дўст, ЛолазорҲозир пешонасидан дарча очиб қўямиз, ана ундан кейин ҳеч нима эсидан чиқмайдиган бўлади. — А. Кўчимов, Ҳалқа