Muayyan turdagi (ayniqsa, suyuq kristalli) kompyuter monitorlarida matnni silliqlash usuli. Microsoft tomonidan qayd etilgan SubPixel Rendering texnologiyasiga asoslangan. Elektron nurli trubkali monitorlarda qizil, yashil va koʻk nur tarqatuvchi elementlarning joylashishi piksel panjaraga bogʻliq emas. Suyuq kristalli displeylarda esa har bir piksel ushbu uchta elementlardan iborat: qizil, yashil va koʻk. Mazkur elementlar eni 1/3 piksel va boʻyi 1 piksel boʻlgan toʻrtburchaklar boʻlib, ular aniq tartib boʻyicha joylashtiriladi. Grafik DT odatda pikselni bir butun sifatida qabul qiladi. ClearType esa kichik piksellarga mustaqil tarkibiy birliklar sifatida qaraydi.