Поиск

ot 1. Biror ishni, maqsadni amalga oshirish, roʻyobga chiqarish yoki uning oldini olish uchun puxta oʻylab tuzilgan, ishlab chiqilgan tadbirlar majmui; iloj, tadbir.

Soʻnggi chora. Keskin choralar. Ehtiyot choralari. Kasallikka qarshi kurash choralari.

Zavod iqtisodini koʻtarish choralarini izlab topish eng dolzarb masala boʻlib turibdi. — Gazetadan

2. Biror qiyinchilikdan, murakkab vaziyatdan qutulish yoʻli; iloj.

Chora izlamoq. Chora topmoq.

Qayin otangiz, ehtimol, buning biror chorasini topar! — A. Qodiriy, Oʻtgan kunlar

U [Temur Malik] moʻgʻullarga pand berib, ularni qirib tashlash chorasini izlardi. — Mirmuhsin, Temur Malik

Dolon oʻrtasida tezak tutab turadi. Bu chivinlardan saqlanish uchun bir chora. — J. Sharipov, Xorazm

4. 3) jazo, tanbeh bermoq.

Qayerda qoʻy yoʻqolsa, Aybdor — biz, boʻrilar. Yegan mudir-ku, unga Qachon chora koʻrdilar? — Gazetadan

ot 1. Toʻrtdan bir ulush; teng toʻrt boʻlakning har biri.

Chorak asr. Chorak kam bir soat.

Men Abdulla Qahhor bilan chorak asr turmush kechirib, Xotinni xotin qiladigan ham er degan xulosaga keldim. — K. Qahhorova,Chorak asr hamnafas

2. Oʻquv yilining toʻrtdan bir qismi.

Birinchi chorak. Chorak baholari.

Uchinchi chorakning oxiri edi. — Yoshlik

Usha yili kuzda Begimxon yettinchi sinfning birinchi choragidan ketib qoldi. — I. Rahim, Chin muhabbat

3. shv. Baʼzi hududlarda besh pud (87,36 kg) ga, baʼzi joylarda besh qadoqqa, yaʼni ikki kilogrammga (kichik chorak), baʼzi joylarda esa oʻn qadoqqa, yaʼni 4,1 kg ga (katta chorak) teng ogʻirlik oʻlchovi.

[Qodirqul:] Unday boʻlsa, meni bankaga tashlab kelasan-da.. ombordan yarim chorak guruch olib, sekingina bogʻ tomondan Nurmat akangnikiga oʻtkazib qoʻyasan. — Hamza, Burungi saylovlar.

ot tar. Boylar yerida, olinadigan hosilning toʻrtdan uch qismini yer egasiga berish sharti bilan yollanib ishlagan, oʻz yeri yoki ot-uloviga ega boʻlmagan dehqon.

[Hasan:] Ana shu men olaman deb turgan yerni Doʻsmatboyning chorakori olib qoʻymadimi? — Hamza, Burungi saylovlar

sft. 1. Amalga oshirishning yoki oldini olishning iloji boʻlmagan; chorasi yoʻq, ilojisiz.

Chorasiz dard. Chorasiz ish.

Gʻussaga botsa odam — muhabbatga suyangay, Chorasiz qotsa odam — muhabbatga suyangay. — A. Oripov

2. Mushkul, noiloj ahvolga tushib qolgan; nochor, bechora.

Chorasiz bir inson uchragan damda, Unsiz savoliga qildingmi javob? — A. Oripov

ot Kerakli narsalar, asbob-uskunalar, qurol-yarogʻlar va shu kabilarning jami.

Ishning chorabzali but. Toʻyning chorabzali taxt qilindi. Safarga chiqish uchun chorabzal shay qilindi.

ot Chorakor boʻlib ishlash; yer ijarasi turlaridan biri.

Butun umri chorakorlikda yoʻqchilik bilan oʻtgan oilada dunyoga kelgan Toshpoʻlat — K. Yashin, Hamza