Qidiruv

fl. 1. Suyuqlikka, suvga yoki yumshoq narsaga botmoq, choʻkmoq, koʻmilmoq.

Suvga choʻmmoq.

Saodat ich koʻylagiga bir oz atir sepib olgach, oq choyshablar orasiga kirib, paryostiqqa choʻmdi. — I. Rahim, Ixlos

Bir kun tomchi boʻlib, abadiyat Dengiziga choʻmib ketaman. — Uygʻun

2. koʻchma Berilmoq, koʻmilmoq, botmoq.

Xayolga choʻmmoq.

Munchoq koʻzlaringni tikib turarding, Choʻmsam xayollarga goho, kakligim. — A. Oripov

Xayolga choʻmgan kishiga oldidagi haqiqatdan yiroqlarda boʻlgan xayoliy hur-gʻilmonlar ortiqcha lazzatlikdir. — A. Qodiriy, Kichik asarlar

3. Yuzaga kelmoq; qaror topmoq; choʻkmoq.

Yodgor jiddiy sukunat choʻmgan zalga qarab qoʻydi. — Oʻ.Hoshimov, Qalbingga quloq sol

4. koʻchma Koʻmilmoq, qoplanmoq.

Qiygʻos gulga choʻmar har bitta ogʻoch. — Saodat

Abror oy nurlariga choʻmgan sahrodan qaytayotib, oʻzini xuddi oy sathida ketayotgan odamdek his etdi. — O. Muxtor, Egilgan bosh

ot 1. Suyuq ovqatni shopirish va suzish uchun ishlatiladigan, uzun dastali roʻzgʻor asbobi; yogʻlogʻi.

Yogʻoch choʻmich. Sirlangan choʻmich. Qozonda boʻlsa, choʻmichga chiqar. — Maqol

Tuyani choʻmich bilan sugʻorib boʻlmas. — Maqol

qozonda sut qaynagan, sut choʻmichda shopirilgan, choʻmichga qasmoq hidi unnagan. M. — M. Doʻst, Lolazor

2. Biror idishdan suv olish uchun ishlatiladigan, dastasi kalta, yogʻoch, metall yoki plastmassadan qilingan roʻzgʻor asbobi.

Said suv toʻla choʻmichni uzatayotganda, bir qultum suv otasining soniga toʻkilib ketdi. — Yoshlik

fl. 1. Chiniqish, davolanish maqsadida yoki issiqdan daryo, hovuz va shu kabilar suviga tushib suzib yurmoq.

Umid moshkichirini tushirdi, undan keyin anhorga choʻmilgani joʻnadi. — Mirmuhsin, Umid

2. Yechinib yuvinmoq.

Dushda choʻmilmoq. Hammomda choʻmilmoq.

[Fotima:] Kechqurun Rashid abzining moʻrchasiga boramiz Sizam yuring. Maza qilib choʻmilib kelamiz. — Oʻ. Hoshimov, Ikki eshik orasi

3. koʻchma Koʻmilmoq, choʻmmoq, botmoq.

Okean ham nur qoʻynida choʻmilardi. — Yoshlik

Shabnamga choʻmilib, koʻz ochar dunyo. — Gazetadan

fl. Choʻmmoq feʼlining orttirma nisbati.

fl. Choʻmich bilan suzmoq yoki oʻlchamoq. Xoʻrandalar sotuvchining atrofini oʻrab, yerga choʻqqayib oʻtiribdilar.

Oshpazlar [ovqatni] choʻmichlab suzib berib turibdi. — Gʻ. Gʻulom, Shum bola

Xotin-xalaj daladan chiqib, oʻchoqboshidagi katta flyagadan choʻmichlab suv icha boshladi. — S. Siyoyev, Otliq ayol

fl. Choʻmilmoq feʼlining birgalik nisbati.