Поиск

ot Oʻtmishda: maʼlum shartlar bilan yollanib paxta terish tartibi va shu tartibdagi paxta terimi.

sft. 1. Haqiqiy, asl, chin.

Chinakam doʻst.

Ammo ziyofat dasturxoni chinakam boyvachcha nomiga yarasha edi. — Yoshlik

Yoshlik — umrning chinakam asl davri. — Gazetadan

Musofirdan ahvol soʻrash savob chinakam. — A. Oripov

2. ayn. Chindan.

Chinakam ishonmoq.

Ziyodulla chinakam qoʻlga tushganiga ishondi. — H. Gʻulom, Mashʼal

Kishi chinakam yigʻlash uchun moʻl-koʻl koʻz yoshi toʻkmogʻi yoki faryod koʻtarmogʻi shart emas. — P. Tursun, Oʻqituvchi

ot 1. Yollanib paxta teruvchi kishi.

Nigohim kunduzning nuriga choʻmgan, Uzoqdan chinakchi qizlar koʻrinar. — U. Nosir

2. Chanokda qolgan paxtalarni qoʻshimcha ravishda qoʻlda teruvchi; terimchi.

Mashina terimiga ajratib, moslab qoʻyilgan paxtazorni bir gala chinakchi oralab yuribdi. — I. Raxim, Zangori kema kapitani

ot Chinakchi boʻlib ishlash, chinak bilan shugʻullanish.

Ernazar akaning xotini kollektivlashtirishdan ilgari ham chinakchilikda dong chiqargan xotin. — I. Rahim, Ixlos

ot Dudlangan choʻchqa goʻshti.

sft. 1. Achinish hissini uygʻotadigan.

Achinarli qiyofa. Achinarli holat. Achinarli ahvolga tushib qolmoq.

Burchakda yotgan bola uyqusirabmi yo sovuqdan uygʻonibmi, achinarli tovush bilan dada! dedi. — Oybek, Tanlangan asarlar

2. Afsus aralash ranjish hissini uygʻotadigan.

Eng achinarlisi, bayramoldi kunlari ayrim pulparastlar davlat transporti hisobiga boyib qolishni kasb qilib olmoqdalar. — Gazetadan