sft. 1. Achchiq emas, nordon emas; shirin.
Chuchuk olma. Chuchuk anor.
Chuchuk qalampir asosiy darmondorilarning manbai boʻlib ayniqsa, S darmondoriga juda boydir. — K. Mahmudov, Oʻzbek tansiq taomlari
Limonli sharbatlar, chuchuk choylar oʻzining ijobiy natijasini koʻrsatmasdan qoʻymaydi. — Gazetadan
2. koʻchma Kishiga ozor bermaydigan; yoqimli, koʻngilli, shirin.
Bir achchiqning bir chuchugi bor. — Maqol
Bir ogʻiz chuchuk soʻz odamning koʻnglini qanchalar koʻtaradi! — Gazetadan
Meni Yulduz pari deydi, Tilim bordir boldan chuchuk. — Nurali
3. koʻchma Ayrim tovushlarni (masalan, r ni) toʻla ayta olmaydigan.
Tili chuchuk bola,
— Nasimjon Fayzullayev, — dedi chuchuk til bilan sekretar va gilam chetiga omonatgina oʻltirib, soʻzini davom ettirdi. Oybek, O. — v. shabadalar.
- Chuchuk suv Taʼmi yaxshi, ichimli suv (daryo, buloq va shu kabilar suvi haqida). Chuchuk suvni sogʻinish tuygʻusi hali menga tanish emas, lekin shu daqiqadan uni men seza boshladim. — A. Muxtor, Davr mening taqdirimda