fl. 1. Chiniqish, davolanish maqsadida yoki issiqdan daryo, hovuz va shu kabilar suviga tushib suzib yurmoq.
Umid moshkichirini tushirdi, undan keyin anhorga choʻmilgani joʻnadi. — Mirmuhsin, Umid
2. Yechinib yuvinmoq.
Dushda choʻmilmoq. Hammomda choʻmilmoq.
[Fotima:] Kechqurun Rashid abzining moʻrchasiga boramiz Sizam yuring. Maza qilib choʻmilib kelamiz. — Oʻ. Hoshimov, Ikki eshik orasi
3. koʻchma Koʻmilmoq, choʻmmoq, botmoq.
Okean ham nur qoʻynida choʻmilardi. — Yoshlik
Shabnamga choʻmilib, koʻz ochar dunyo. — Gazetadan