Поиск

ot Quvur shoxlilar oilasiga mansub, kavsh qaytaruvchi juft tuyoqli sutemizuvchi hayvon.

Xonaki echki. Togʻ echkisi. Echki suti. Echki juni. Tuyani shamol uchirsa, echkini osmonda koʻr. — Maqol

Echkilarga hamma hayron: nega Orifning echkisi bir tuqqanda, ikkita tugʻar ekan-u, kolxozning echkilari nuqul bittadan tugʻar ekan. — A. Qahhor, Qoʻshchinor chiroqlari

sft. 1. Ich qismda, ichkarida joylashgan; ichkarigi, ichkaridagi.

Ichki hovli, Ichki eshik.

Oyqiz Olimjondan kelgan xatni nimchasining ichki choʻntagiga yashirdi-da, darrov oʻrnidan turdi. — Sh. Rashidov, Boʻrondan kuchli

2. zid. Ich qism (tomon)ga oid; tashqi.

Jurnalning tashqi va ichki bezalishi izchil takomillashtirib borilmogʻi kerak. — Gazetadan

Binoning ichki pardozi hali uncha bitmagani uchun choyxona hali bu yerga koʻchmagan, bino hozircha klub vazifasini oʻtab turar edi. — A. Qahhor, Qoʻshchinor chiroqlari

3. Mamlakat, davlat, tashkilot va shu kabilarning oʻz ichida va oʻz ishi bilan bogʻliq boʻlgan.

Davlatning ichki ishlari. Ichki imkoniyatlar. Ichki nizolar. Ichki va xalqaro hayotga oid masalalar.

4. Kishining ruhiy dunyosiga, kechinmalariga oid.

Uning oqish yuzi ichki kechinmalarini uzluksiz aks ettirardi. — P. Qodirov, Uch ildiz

Kishining ichki hissiyotini yuzidagi oʻzgarishlardan tezda payqab oluvchi Islomxoʻja qizidagi alam-iztirobning izlarini darhol sezdi. — J. Sharipov, Xorazm

Aravakashning ichki holatini sezib turgan Badia chidab turolmay, darhol otasini turtdi: — Suv beraymi, ota? — Mirmuhsin, Meʼmor

5. tar. (-lar qoʻshimchasi bilan) Temuriylar, boburiylar va shayboniylar saltanatida hukmdor saroyida xizmat qiluvchi navkarlar, xos qoʻshinlar; hukmdorga yaqin mulozim va beklar.

Shayboniyxon koʻshkning yuqorigi qavatida peshin namozini oʻqib boʻlgan ham ediki, yasovul kirib, Sulton Ali Mirzo bir necha ichkilari bilan qalʼadan xon huzuriga kelganini aytdi. — P. Qodirov, Yulduzli tunlar

ot 1. Oʻyinda, sport musobaqalarida yutuqni belgilash uchun beriladigan hisob birligi.

Oʻshanda faqat bir kishi — yosh shashkachi Sharif Yoqubov u bilan ochkoni boʻlishib oldi. — Gazetadan

Rahim xiyol oʻylanib qoldi. Endi u, ikki metrga sakrab, yetti ochko olishni emas, balki biratoʻla olti katakka sakrab, oʻn bir ochko egallashni chamalamoqda edi. — H. Nazir, Soʻnmas chaqmoqlar

2. s. t. Qarta oʻyinining bir turi; yigirma bir.

Ochko oʻynamoq.

ot 1. Oʻsimlik tanasining, poyasining ostidan, yon-beridan oʻsib chiqqan mayda shoxchalar, nihollar.

Daraxt tanasining ostida qoʻshimcha bachkilar oʻsib chiqib, ular daraxtni toliqtirib qoʻyadi. — Sharq yulduzi

Kimningdir zaif qoʻllari bilan tol chiviqqa chala koʻtarilgan zanglarda onda-sonda charoslar qorayib koʻrinardi-yu, toklarni bachki novda bosib, gʻovlab yotardi. — A. Muxtor, Chinor

2. Koʻkligida oʻrib olishga moʻljallab ekilgan makkajoʻxori.

Bachki ekmoq. Bachki oʻrmoq.

Bachki makkapoyalar pishib yetilganiga qaramay oʻrilmayotir. — Gazetadan

Shu kunlarda oʻrilgan maydonlarda makkajoʻxori tagpoyasi tez koʻkarib, sal kunda bachkisi silosbop boʻladi. — Gazetadan

3. s. t. esk. Bolalar poyabzali.

Oʻgʻlim, besh bachkini pullab, ip, mum, sirach, lok olamiz, xoʻpmi?! — Oybek, Tanlangan asarlar

4. koʻchma Mayda, arzimaydigan, ikkinchi darajali, keraksiz.

Adabiyot bogʻimizda chilpib tashlaydigan bachki novdalar koʻpayib qoldi. — Gazetadan

Biz bachki mavzularga qarshi kurash olib borishimiz lozim. — Gazetadan

Men oʻn yildan beri, allaqanday bachki sabablar bilan bir-biridan arazlashib gaplashmay kelgan ikki qoʻshnini tanir edim. — Gazetadan

ot Yogʻoch yoki metalldan ishlangan silindrik idish.

Yogʻoch bochka. Temir bochka.

Sidiqjon bochkani oʻchoq boshiga tushirgach, qaytib ishga bordi. — Sharq yulduzi

Yonilgʻi toʻla bochkalar, traktorlarning ehtiyot qismlari koʻchma qum tagidan chiqarildi. — Sh. Rashidov, Boʻrondan kuchli

sft. 1. Kechga oid; kechqurun boʻladigan.

Kechki payt. Kechki shabada.

Yo kechki salqin bilan, yo ertaga ertalab shahar hovliga [beda] olib tushaman. — Oybek, Tanlangan asarlar

Eshelon oshpazlari kechasi ovqat pishirmaslik va kechki ovqatni ham kunduzi pishirib qoʻyish haqida buyruq oldilar, — I. Rahim, Chin muhabbat

2. Ish-faoliyati tunda boʻladigan; tungi.

Kechki smena. Kechki va sirtqi boʻlimlar.

yangi oʻquv yilidan kechki maktabga boradigan boʻldik. — R. Fayziy, Choʻlga bahor keldi

3. Kech pishadigan, kech ekiladigan.

Kechki uzum. Kechki oʻrik. Kechki bodring. Kechki kartoshka. Kechki ekinning xatari bor. — Maqol

Kuz havosi iliq edi. Kechki gullar ochilib turibdi. — I. Rahim, Chin muhabbat