Қидирув

от (нумератив сўзлар билан бирга қўлланади) Оғизда чайнашга лойиқ бирор нарса.

Бир бутун сигир гўштидан бир чайном ҳам бизга насиб бўлмади. — Ғ. Ғулом, Шум бола

фл. 1. Оғиздаги таомни тишлар орасида майдаламоқ, юмшатмоқ.

Аҳмад парвойи палак, оғзини тўлдириб, нон чайнарди. — Ф. Мусажонов, Ҳиммат

Отлар пишқириб туриб, хушбўй ҳўл бедани иштаҳа билан чайнамоқда эдилар. — Ойбек, О. в. шабадалар.

2. Тирикчилик учун ишлатмоқ.

[Яхшибоев:] Майда чайнаб есанг, бу пул сенга кўп йилга етади. — М. М. Дўст, Лолазор

3. с. т. айн. Ғажимоқ 5.

Машина қўлини чайнаб кетибди.

4. кўчма Бировни ғийбат қилмоқ, ёмон-лаб гапирмоқ; койимоқ.

Дадаси билан ойиси ҳамон унинг опоқ дадасини чайнаётган эди. — Ёшлик

[Ёрқиной] Бир куни тўйга борган эди, хотин-халаж нуқул уни чайнаб ўтиришди. — Р. Раҳмон, Меҳр кўзда

5. кўчма салб. Бир гапни ҳадеб қайтаравермоқ; гапни чўзмоқ; ҳал бўлган масалани яна айлантириб муҳокама қилавермоқ.

[Бўтабой] Ўзи ҳам аниқ-равшан бир сўз айтолмай, гапни чайнай бошлади. — А. Қаҳҳор, Қўшчинор чироқлари