Қидирув

сфт. 1. Маромига ёки тамомига етказилмаган, битказилмаган, тамомланмаган.

Чала уй. Чала иш. Бола — боланинг иши чала. — Мақол

Ҳали яна бир оз яшашдан умидворман, чала ишларим бор. — С. Нуров, Нарвон

2. Тўлиқ эмас, нотўла, ярим-ёрти.

Камбағалнинг бир тўйгани — чала бой бўлгани. — Мақол

Чаласига биз қарздор. — А. Қаҳҳор, Олтин юлдуз

3. Вақтидан олдин, етилмасдан тушган, барвақт туғилган.

Қандли диабет хасталиги кўпинча ҳомиланинг чала ёки мажруҳ туғилишига сабаб бўлади. — Саодат

4. от Ёниб битмаган ёки куйиб тугамаган ўтин.

Куллар кўкка учар, чўғлар кулга ботар, чалалар чўғга айланар эдилар. — А. Қодирий, Меҳробдан чаён

Уларнинг [одамларнинг]ярим юмуқ кўзлари ўчоқда биқсиб, қизариб ёнаётган чалаларга тикилган эди. — П. Турсун, Ўқитувчи

5. спрт. Ўзбек курашига оид атама.

6. Қўшма сўзлар таркибига киради, масалан

чалабош, чаласавод.

Tanrı.ТАНГРИ

сфт. Ўлар ҳолатига келган, жони чиқай деб турган, ярим тирик.

Чалажон қилиб урмоқ.

Бир бандани чалажон қип қўйиб, қаёққа қочмоқчисан? — Ёшлик

Намоз-шомда чалажон дадамизни аравада эшикка келтиришди. — М. Мансуров, Ёмби

сфт. Сочи чала-чулпа олинган.

Чалабош бола.

от бот. Танасининг фақат пастки қисми ёғочланиб, юқори қисми қишда қуриб қоладиган кўп йиллик ўсимликлар.

Чалабуталар кўп йиллик ўтлардан куртак чиқарадиган шохларнинг ер устидан бир неча сантиметр юқорида ўрнашганлиги билан фарқланади. — Ўзме

от 1. с. т. Саводи тўлиқ чиқмаган киши.

— Сиз чаламулласиз, Ғайбаров! — деди Ҳайкал Ғаниевич. М. — М. Дўст, Галатепага қайтиш

2. сфт. Ўз соҳасини яхши эгалламаган, билмайдиган; билимсиз.

[Профессор:] Мурдани кўрса, лабига учуқ тошадиган чаламулла врачларни кўргани кўзим ёʻқ! — Ў. Ҳошимов, Нур борки, соя бор