ot 1. Bir narsa yasab, tayyorlab, ishlab berish haqidagi topshiriq, talab.
Buyurtma bermoq. Buyurtmalar qabul qilmoq.
Toshkentda katta konsert zalining foyesini bezashdek katta buyurtma ham unga topshirildi. — Yoshlik
Koʻzoynakka buyurtma berar ekansiz, mos keladigan gardish tanlash kerak. — Gazetadan
Ofitsiantka buyurtma olgani keldi. — P. Qodirov, Uch ildiz
2. sft. Topshiriq asosida tayyorlanadigan; buyurtirilgan.
Buyurtma etik,
Qunduzning onasi azondan turib, nari-beri hovlilarini supurib, buyurtma toʻppilarni tikishga oʻtiradi. — Oydin, Bechora
Asadov haftada uch kun tikuvchilik artelida ishlasa, toʻrt kun uyida buyurtma tufli tikadi. — Gazetadan