Қидирув

Б.т. ёки тур деб, одатда, индивидлари чатишиб, серпушт насл қолдириш хусусиятига (фертиллиги пасаймасдан) эга бўлган, умумий морфофизиологик белгилар билан ўзаро муносабатларда бўлувчи, бошқа шу каби индивидлар гуруҳидан фарқли ўлароқ гибрид шакллари амалда бутунлай бўлмайдиган муайян ареалда яшовчи популяция ёки популяциялар турларига айтилади. Б.т.- тирик организмлар тизимининг асосий таркибий бирлиги, эволюциянинг сифатий босқичидир. Мажбуран бежинс (агам), партеногенетик ва ўзини-ўзи уруғлайдиган организмларда Б.т. деб бир хил клонлар (бир организм насллари) гуруҳи ёки генетик, морфофизиологик жиҳатдан, эгаллаган муайян ареали ва яшаш муҳити билан ўхшаш ўзаро муносабатларга эга тизма тушунилади.