Izohli lugʻat
· yana 3 ta lugʻatda
ot 1. Begona kishining holatiga tushish.
U [Elmurod] kun sayin aka-uka, yor-ogʻayniga aylanib borayotgan kishilar orasida oʻzining begonaligini unuta bordi. — P. Tursun, Oʻqituvchi
Avvaliga yotsirash, begonalik uni qiynadi. Keyin esa Mirzoni odamlarning oʻsha baland togʻlardek ulugʻ qalbi, pokizaligi oʻziga rom qilib oldi. — Yoshlik
2. Yot, chet kishilarga xos boʻlgan munosabat.
[Gulsumbibi:] Begona har vaqt begonaligini qiladi. Qizim baxtli boʻladimi, oʻtda yonadimi, Mirzakarimboyga bari bir. — Oybek, Tanlangan asarlar