Hayot Foundation loyihasi
Loyiha haqida
Oʻz
Oʻz

Qidiruv

«Barakasiz» boʻyicha 12 ta natija

Filtr
Lugʻat turi
Izohli Tarjima Terminologik
Tildan
Oʻzbekcha Inglizcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

9 ta
baraka
Izohli lugʻat · yana 5 ta lugʻatda

ot 1. Biror narsaning (asosan, noz-u neʼmatlar, ekin hosili) kutilgan darajadan moʻlligi, serobligi.

Baraka koʻtarildi. Baraka yoʻqoldi. Janjalli uyda baraka boʻlmas. — Maqol

Gʻoʻza chilla suviga qonsagina, xirmonga baraka kiradi. — Gazetadan

2. Olloh beruvchi nasiba, neʼmat; ehson.

— Xudo baraka bersin, teraveringlar! — deb fotiha berdi. — M. Ismoiliy, Fargʻona tong otguncha

Xudo umringga, molingga baraka bersin. — Hamza

3. Biror narsa yoki harakatdan keluvchi foyda, naf; samara, unum.

Qaytgan molda baraka bor. — Maqol

Yigʻlama, yigʻidan hech kim baraka topgan emas! — A. Qahhor, Ogʻriq tishlar

Meni olib nima baraka topding? Nuqul gʻavgʻoga qolasan. — Yoshlik

4. koʻchma s.t. Qoʻshaloq koʻsak va shunday koʻsakda ochilgan paxta; qoʻshaloq meva.

Etakka yopishgan toʻngʻiztaroqlarni yulib tashlab, baraka qidirishlari ham, gʻoʻzalar orqasiga yashirinib olgancha, qizlarga xom koʻrak otib shoʻxlik qilishlari ham — hamma-hammasida allanechuk quvnoq, zinhor-zinhor qaytib kelmas orzular bor edi. — Oʻ. Hoshimov, Qalbingga quloq sol

  • Barakasi ketdi yoki baraka koʻtarildi Serobligi yoʻqoldi, moʻlligi barham topdi. Bir kun janjal chiqqan uydan qirq kun baraka koʻtariladi. — Maqol
  • Xirmonga baraka! Xirmon koʻtarayotganlarga hosil moʻl boʻlsin! maʼnosida aytiladigan tilak.
  • Qoʻlida baraka yoʻq yoki qoʻlining barakasi yoʻq Tejab-tergab, oʻrinli sarf qila olmaydigan kishi haqida.
  • Baraka top (koʻr) “Kam boʻlma“, omadingni bersin maʼnosida aytiladigan olqish, undov.
  • Bor baraka, bor baraka top, baraka de(ng), baraka qil(ing) Oldi-sotdi savdosida soʻralayotgan narxga xoʻp deng maʼnosida ishlatiladigan ibora. Qani, ha, uka, baraka de, baraka delardan keyin yarim soatcha savdolashib, molni bir soʻm oʻn tiyinga sotdik. — Gʻ. Gʻulom, Shum bolaQoʻlni bering, boring, baraka toping, olti yuz. — S. Nurov, Narvoy
  • Boriga baraka Boriga shukur, bori ham yetib qolar. Boriga baraka, u yogʻini ogʻzaki boplayman. — A. Qahhor, Asarlar
Toʻliq maqola →
barakat
Izohli lugʻat · yana 2 ta lugʻatda

ot kam. qoʻll. ayn. Baraka.

Barvaqt qilingan harakat — hosilga berar barakat. — Qanotli soʻzlar

Sendan harakat — mendan barakat. — Maqol

Toʻliq maqola →
barakali
Izohli lugʻat · yana 4 ta lugʻatda

sft. 1. Toʻkin-sochin, moʻl-koʻl, yaxshi natijali.

Koʻklam doʻl, jala boʻlishiga qaramay, barakali hosil olishga erishdik. — Oʻzbekiston qoʻriqlari

Xirmonimiz barakali boʻlsa, davlatimiz, xalqimiz oldida yuzimiz yorugʻ boʻladi. — Gazetadan

2. Mavjud holatidan qati nazar koʻpchilikka yetadigan; foydali; tatimli.

[Tosh-xon:] Ha, juda barakali qozon, oʻziga ham yuz chelak suv ketadi. — Uygʻun, Hayot qoʻshigʻi

3. Serunum, sermahsul, samarali.

Barakali ish. Barakali mehnat.

Ertalabki terim unumli, barakali boʻladi. — Yoshlik

Bu raqamlar keksa sanʼatkorning barakali umrini va uning xalq oldida qilgan katta xizmatlarini kishining xotirida jonlan-tiradi. — T. Obidov, Yusufjon qiziq

  • Qoʻli barakali Qoʻliga tushgan, qoʻlida boʻlgan narsaning, ishning barakasini oshiradigan odam haqida. Choʻloq boʻlsa ham, qoʻli barakali. Ekini har yili ham chakki boʻlmaydi — Oybek, Tanlangan asarlar
Toʻliq maqola →
barakalla
Izohli lugʻat · yana 6 ta lugʻatda

1. Kimsaning biror harakatidan mamnunlikni, maʼqullash, maqtovni anglatadi.

Barakalla, yigit. Mana bunisiga qoyil! — K. Yashin, Hamza

— Barakalla, chevarim. Balli, himmatli qizim, — deb Nor ota soʻzini zavqlanib tugatdi. — Q. Muhammadiy

Barakalla, barakalla, ajab qilibsizlar! Xoʻp qilibsizlar! — M. Ismoiliy, Fargʻona tong otguncha

2. Maʼqullash, tasdiq maʼnosini anglatadi.

Barakalla, mana endi oʻzingizga keldingiz. — M. Ismoiliy, Fargʻona tong otguncha

3. Norozilik, qoniqmaslik maʼnosini anglatadi.

— Barakalla-ye! — dedilar masxara qilganday kulib. — E. Raimov, Ajab qishloq

[Kumush:] — Doʻppi tikib oʻtiribsiz-ku, mening oldimga chiqarmidingiz, barakalla sizga! — dedi. — A. Qodiriy, Oʻtgan kunlar

Toʻliq maqola →

Hammasini koʻrish · 9 →

Taʼriflar ichida

3 ta
bebaraka

bebaraka Unumi kutilgan darajada boʻlmagan, barakasi yoʻq; barakasiz. Bebaraka ovqat. Boʻydoq yuraversang, ishing bebaraka, roʻzgʻoring befayz boʻladi. S. Ahmad, Qadrdon