Қидирув

от 1. Ташкилот, муассаса, корхона, ҳарбий қисм ва шу кабилар бошлиғи, раҳбарининг ўз тасарруфидаги ташкилот, муассаса, корхона бўйича чиқарадиган расмий фармойиши, амри ва шундай фармойиш матни ёзилган қоғоз; расмий ҳужжат.

Директор буйруғи. Олий Бош Қўмондон буйруғи. Гарнизон бошлиғининг буйруғи. Ишга тайинлаш ҳақидаги буйруқ. Буйруқ билан расмийлаштирмоқ. Буйруқни кўринарли жойга осиб қўймоқ. Буйруққа қўл қўймоқ.

Қўмондоннинг буйруғи билан учта ўғилдан бир экипаж ташкил этилибди. — И. Раҳим, Чин муҳаббат

Нима десам экан, қани юринг-чи, буйруқда нима дейилган экан. — С. Аҳмад, Қадрдон далалар

Нусратбек Пайғомов билан гангур-гунгур суҳбатлашиб турган маҳалда, котиба буйруқни олиб кирди. — С. Нуров, Майсаларни аёз урмайди

2. Оғзаки ёки ёзма топшириқ, амр, фармон.

То эсини танигандан бошлаб буйруқларига сўзсиз бўйсуниб келган Гулнор, ҳеч нима ўйламасдан, ўрнидан турди. — Ойбек, Танланган асарлар

Мўминнинг овозидаги қатъият, буйруқ Лайлини бўшаштирди. — С. Зуннунова, Кўк чироқлар

Шу аснода котиба шофёрга раиснинг буйруғини айтди. — С. Нуров, Майсаларни аёз урмайди

от Буйруқбозликни, буйруқ беришни яхши кўрадиган одам.

Хўш, ишчан бир ходимнинг манман ва буйруқбозга айланиб кетишига нима сабаб бўлди? — Газетадан

Буйруқ оҳангида, буйруқ қилганга ўхшаш.

от Буйруқ матни ёзилган қоғоз, ҳужжат.

— Фармонов ўз қўли билан, тўйга келинг, деб хат юборибди. Бу таклифномадан кўра ҳам буйруқномага ўхшарди, — деди уста. — Мирмуҳсин, Созанда

Буйруқ тарзида; буйруқ оҳангидаги, буйруқнамо.

Тойлоқовнинг гапи буйруқомуз бўлиб, у гўё Онахоннинг келишига юз фоиз ишонгандай гапирарди. — Мирмуҳсин, Илдизлар ва япроқлар

Аввалига боланинг буйруқомуз гаплари эриш кўринса-да, бориб-бориб ҳамма кўникиб кетди. — С. Зуннунова, Кўк чироқлар

Мен мезбонлар билан хайрлашиб, хурсанд бўлиб, кўчага чиққанимда, Уйғурнинг буйруқомуз овозини эшитдим: — Овозингизни эҳтиёт қилинг!\. — Носирова, Мен ўзбек қизиман

от Бўлар-бўлмасга, ўринли-ўринсиз буйруқ беравериш, ҳамма ишни фақат буйруқ бериш ёʻли билан олиб бориш.

Шундай ходимлар борки, улар раҳбарликни буйруқбозлик билан амалга оширишга уринмоқдалар. — Газетадан

— Ёз бўйи амалий ёрдам бермай, қуруқ буйруқбозлик билан шуғулланиб, энди бенуқсон бўлинг, деганига доғман, — деди инженер пичирлаб. — Муштум

Ваъдабозлик, буйруқбозлик бацилласи бу кишининг аъзойи баданида кучайиб кетяпти. — Газетадан