Поиск

ot 1. mat. Bir nuqtada kesishgan ikki chiziq (yoki nur) hosil qiladigan oraliq, tekislik; shunday tekislik turli hodisalar oʻlchovi sifatida.

Burchak darajalar bilan oʻlchanadi. Toʻgʻri burchak. Oʻtmas burchak. Oʻtkir burchak. Burchak boshi. Moʻljalga olish burchagi. Kemaning kursdan ogʻish burchagi. Nurning tushish burchagi qaytish burchagiga teng.

2. Narsalarning tomonlari, qirralari kesishgan joy; burch.

Daftarning burchagi. Stolning burchagi.

Toʻrt burchagiga koʻk, binafsha, shaftolirang ipaklar bilan gullar tikilgan. — Oybek, Quyosh qoraymas

3. Xona, bino, hovli va shu kabilarning ichki devorlari tutashgan joyi va uning atrofi.

Hovlining burchagi. Ayvonning burchagi. Qoʻrgʻonning burchagi.

U koʻzlarini burchakka tikkanicha, qimirlamay oʻtirardi. — S. Zunnunova, Olov

Men hujraning burchagida turgan qanordagi somon ustiga chiqib, dong qotib uxlab qolibman. — Gʻayratiy, Unutilmas kunlar

Kampirning amr-u farmoni bilan uyning yetti burchagiga yetti sham yoqildi. — X. Toʻxtaboyev, Shirin qovunlar mamlakati

4. Koʻchalar, yoʻllarning kesishgan joyi; muyulish, muyush.

Bizniki mana shu burchakdagi eshik. — A. Qodiriy, Oʻtgan kunlar

5. koʻchma Chekka, chekka yer, taraf, tomon; ovloq, pana joy.

Dunyoning u burchagiga borishga roziman. — S. Ahmad, Ufq

Togʻning har burchagi va yonbagʻridan aks sado kelib, darani larzaga keltirdi. — S. Ayniy, Doxunda

Har zumda dunyoning burchaklariga Xabarlar joʻnaydi qator va qator. — A. Oripov, Yillar armoni

Hasanni Safarqul bir burchakka olib borib, nima xususidadir u bilan gaplasha boshlaganida, Qutbiya uchun tinch nafas olishga, ozod gapirishga fursat topildi. — S. Ayniy, Qullar

Shu chogʻgacha qaysi burchakda mogʻor bosib yotgan edingiz? — A. Qahhor, Qoʻshchinor chiroqlari

6. Sanoq sonlarga qoʻshilib, qoʻshma soʻzlar yasaydi, masalan,

Uchburchak, toʻrtburchak, beshburchak.

sft. Burchagi mavjud.

Toʻgʻri burchakli uchburchak (matematika).

Kampir Ergashning qoʻlidan uch burchakli koʻk konvert bilan telegrammani olib, bagʻriga bosdi. — I. Rahim, Chin muhabbat

Chol vafotidan uch kun oʻtgach, u yotgan joydan, tuproq ichidan uch burchakli tumor topildi. — Mirmuhsin, Qahramonnoma

ot zool. Tanglay tishlari burchak shaklida qayrilgan dumli amfibiyalarning bir turi.

adv 1. (to pace, to walk) up and down, to and fro

2. at angle of, on the angle

3. obliquely, slantwise, aslant

ot mat. Siniq chiziqlar bilan oʻralgan, toʻrtdan ortiq burchakli geometrik shakl.

ot 1. Uchta burchakli, tumorcha shaklidagi.

Uchburchak hovli.

Toʻqqiz samolyot uchga boʻlinib, uchburchak shaklida tekis oqib kelardi. — Shuhrat, Shinelli yillar

Nariroqda uch mullabachcha bir boʻyra ustida uchburchak boʻlib oʻtirib, mushkul bir masalani bahslashadi. — Oybek, Navoiy

2. s.t. esk. Muassasa, korxonalarda uch rahbar shaxs (direktor yoki rais, partkom kotibi yoki vakili va kasabaqoʻm raisi).

Bu masalani uchburchak hal etadi.

3. mat. Bir toʻgʻri chiziqda yotmagan uchta nuqta va uchlari shu nuqtalarda boʻlgan uchta kesmadan yasalgan geometrik shakl.

Toʻgʻri burchakli uchburchak. Teng burchakli uchburchak.

Olib kirilgan choy ham sovib qolar, allaqanday oʻlchovlar-uchburchaklar xayolini tortib ketardi. — Mirmuhsin, Meʼmor