от 1. ҳуқ. Бировнинг мол-мулкини талаш мақсадида ошкора амалга оширилган ўта оғир ижтимоий жиноят.
Босқинчиликми, подачиликми, кетмончиликми — қандай иш бўлса ҳам, майли. — И. Раҳим, Ихлос
2. Ўзга юртни босиб олиш, истилочилик, тажовузкорлик, агрессорлик.
Минг-минглаб бебаҳо обидаларимиз турли сабаблар билан, айниқса, босқинчилик урушлари натижасида ёʻқ қилинган ёки ўзга юртларга олиб кетилган. — Фан ва турмуш
3. Бировнинг номусига тегиш, тажовуз қилиш.
[Тантибойвачча] Гулнорга босқинчилик қилишга Жондорбойни шерик қилмоқчи бўлди-да, пиёладаги аччиқ чойни ҳўплаб, гапирди. — Ойбек, Танланган асарлар