Qidiruv

sft. 1. Zikr qilingandan, aytilgandan, koʻrilgandan yoki koʻzda tutilgandan boʻlak; oʻzga.

Joni boshqaning tani boshqa. — Maqol

Boshqaning tilla-gavharidan onangning sariq chaqasi yaxshi. — Qanotli soʻzlar

Bizga bosh boʻlib turgan odam shunaqa deb oʻtirsa, boshqalardan nima oʻpkalaymiz. — A. Qahhor, Qoʻshchinor chiroqlari

— Qiz koʻnmaydimi, demak, uning koʻngli boshqa birovda, — dedi Qadamboy ogʻa. — S. Siyoyev, Yorugʻlik

uning qalbi goh-goh boshqa bir qiz yodi bilan toʻlib-toshar edi. — Oybek, Tanlangan asarlar

Menga boshqa soʻzingiz boʻlmasa, sizga javob. — A. Qahhor, Qoʻshchinor chiroqlari

2. Mustaqil, alohida; biror xususiyati bilan farq qiladigan; boshqacha, oʻzgacha.

Oʻnta boʻlsa, oʻrni boshqa, qirqta boʻlsa — qiligʻi. — Maqol

Bilak — bir, barmoq — boshqa. — Maqol

[Abdurahmonboy:] Taqsir, aslida koʻtar maliklarning eli boshqa, suvi boshqa boʻlgan. — N. Safarov, Husnijamol

Bu haqda boshqa fikr boʻlmagan i uchun, maorifdan boshqa muallim soʻrashga qaror qilindi. — A. Qahhor, Qoʻshchinor chiroqlari

Sen meni kim bilan tenglashtirmoqchisan?-Gulnor boshqa, men boshqa demoqchi — Oybek, Tanlangan asarlar

— E, u vaqtlar, — dedi xoʻrsinib Rixsi xola, — boshqa edi. — S. Zunnunova, Yangi direktor

3. Begona, oʻzga, yot; birov.

Boshqalar oldida uyaltirib qoʻymoq.

— Pichoqni oʻzingga ur, ogʻrimasa — boshqaga, degan bir gap bor, — dedi jiddiy vaziyatda qutidor. — A. Qodiriy, Oʻtgan kunlar

4. rvsh. Tagʻin, yana, qayta, takroran.

Keyin yotoqxonaga borguncha bu gapga boshqa qaytishmadi. — Oʻ. Usmonov, Qismat

Qodir boshqa ichmaslik sharti bilan ikkinchi piyolaning yarmini ichishga rozi boʻldi. — A. Qahhor, Asarlar

5. koʻm. vzf. (chiqish kelishigi soʻz bilan) Boʻlak, tashqari.

Bundan boshqa.

— Menga qolsa, oʻrtada shundan boshqa hech gap yoʻq, oʻgʻlim! — dedi [hoji]. — A. Qodiriy, Oʻtgan kunlar

sft. Boshqalardan biror jihatdan yoki butunlay farq qiladigan; oʻzgacha, boshqa, boʻlakcha.

Agar gap shunday ekan, siz bilan boshqacha gapirishamiz. — S. Zunnunova, Yangi direktor

Bir onadan alvon xil bola tugʻiladi deganlaridek, Anvarning yaratilishi ogʻalariga nisbatan boshqacha edi. — A. Qodiriy, Mehrobdan chayon

Safarboyning koʻrinishi otasiga oʻxshasa ham, qiliqlari tamom boshqacha edi. — N. Aminov, Qahqaha

Sen bilmaysan-da, Asrora, Dildor choʻlga kelib, boshqacha boʻlib qolgan. — S. Ahmad, Ufq

Buning boshqacharoq bir epini topib boʻlmasmikan? — A. Qodiriy, Oʻtgan kunlar

ot Bir-biriga oʻxshamaslik; boshqa boʻlishlik.

Sharoitning boshqaligi.

Tilim bilan koʻnglimning boshqaligini isbot qilingiz. — A. Qodiriy, Oʻtgan kunlar

ot Davlat boshqaruvi tizimida biror yirik tarmoq yoki xoʻjalik sohasida yuqori (oliy) yoki oʻrta boʻgʻindagi idora, tashkilot.

Suv xoʻjaligi boshqarmasi. Obodonlashtirish boshqarmasi. Markaziy bankning viloyat boshqarmasi.

Iskandarov boshqarmadan eshitadiganini eshitdi. — S. Ahmad, Laʼli Badaxshon

Universitetda ham, geologiya boshqarmasida ham domlani qoʻllab-quvvatlaydigan odamlar borligini orqavoratdan eshitgan edi. — S. Karomatov, Oltin qum

ot 1. ayn. Boshqarish 1.

Ish(ni) boshqaruv. Boshqaruv apparati. Uz-oʻzini boshqaruv organlari.

Boshqaruv apparati qisqartirilgan boʻlsa ham hamon katta boʻlib turibdi. — Gazetadan

Operatorlar boshqaruv pulti yonidan joy egallashdi. — Oʻzbekiston qoʻriqlari

2. Davlatni idora qilish usuli.

Prezidentlik boshqaruvi.

3. tlsh. Sintaktik aloqa talabiga koʻra tobe soʻzning hokim soʻzga maʼlum kelishik shakli yoki koʻmakchi yordamida bogʻlanishi.

Tobe soʻzning hokim soʻz talabiga koʻra maʼlum kelishik yoki koʻmakchilar orqali bogʻlanishi boshqaruv deb ataladi. — Oʻzbek tili darsligi

iqt. Xoʻjalik obyektining iqtisodiy tizimi holatini tartibga solish va yoʻnaltirish jarayoni

Boshqarishning iqtisodiy usuli. Boshqarishning maʼmuriy usuli