Изоҳли луғат
· яна 2 та луғатда
от 1. Қолдиқ қарз, ундирилмаган, тўланмай қолган солиқ ва шу кабилар
Валихон бориб, Ғузор беклигидаги солиқларни, ҳатто боқимондаларигача ундирди. — Ш. Тошматов, Эрк қуши
Ҳар гал эски йилнинг боқимондаси янги йилга ўтавериб, жонга тегди. — Муштум
Икки киши ўтган йили боқимонда қарзи учун банди қилиниб, зиндонга олиб кетилди. — С. Кароматов, Бир томчи қон
2. Эски, аввалдан йиғилиб қолган.
Идора ҳовлисидан ўн икки тонна боқимонда ахлатлар чиқариб ташланди. — Н. Аминов, Қаҳқаҳа