Поиск

ot 1. Boʻyash, rang berish uchun ishlatiladigan modda; narsalarga surtilgan shunday modda qatlami.

Akvarel boʻyoq. Moy boʻyoq. Koʻk boʻyoq. Boʻyogʻi koʻchgan idish. Boʻyoqning yaxshisi — boʻzchining boyligi. — Maqol

Toʻrt qadam yurib, sutrang boʻyoqqa boʻyalgan eshik oldiga bordi. — Oʻ. Hoshimov, Nur borki, soya bor

Hozirgacha ishlatilib kelingan organik boʻyoqlar oʻrniga tabiiy boʻyoqlardan foydalanish mumkin. — Fan va turmush

Ochiq platformalarda zangor boʻyoqlari yarqirab tanklar turardi. — I. Rahim, Chin muhabbat

2. koʻchma Nutqni bezovchi badiiy tasvir vositalari.

Gapga boʻyoq bermoq.

Bu sheʼrlarda tabiat yorqin boʻyoqlarda mohirlik bilan chizib berilgan. — Gazetadan

Navoiy yil fasllarining jonli manzaralarini yaratadi, ularni chizish davomida alohida boʻyoqlar qidirardi. — Gazetadan

3. Lab boʻyogʻi, pomada.

Qiz qoshlariga oro berishni tugatib, endi lablariga boʻyoq surtayotgan ekan. — X. Toʻxtaboyev, Shirin qovunlar mamlakati

sft. ayn. Boʻyoqdor.

Boʻyoqli eshik. Boʻyoqli tasvir.

Misralar uzunligi originalnikidan oshmaydi, soʻzlar esa qisqa, boʻrtma va boʻyoqli. — OʻTA

ot 1. Ip, ipak va shu kabilarni boʻyovchi, ularga rang beruvchi usta, rangvorchi.

Boʻyoq-chining boʻyoqchiligi qoʻlidan maʼlum. — Maqol

Singlisi Oyjamol plastmassa sexida mehnat qiladi. Umr yoʻldoshi Sadriya ham shu yerda boʻyoqchi. — Gazetadan

2. Sirkor usta, uy sirlovchi, boʻyovchi mutaxassis.

Saodatning nazarida bu choʻqqilarni goʻyo boʻyoqchilar ataylab pushti rangga boʻyab qoʻyganga oʻxshaydi. — I. Rahim, Ixlos

Bunda [institutda] qorovul-u hovlida ishlayotgan boʻyoqchilardan boʻlak hech kimsa yoʻq edi. — Mirmuhsin, Umid

sft. 1. Boʻyoq berilgan, boʻyalgan, boʻyoqlar bilan bezatilgan; rangdor.

Hamma mehmonxonalarning oynavon naqshli, boʻyoqdor eshiklari, derazalari bekik. — Oybek, Tanlangan asarlar

2. koʻchma Badiiy tasvir vositalariga boy; jozibador.

Boʻyoqdor tasvir.

Asqad Muxtorning Poʻlat quyuvchi poemasining tili ham yetarli ravon, boʻyoqdor emas. — Oʻzbek adabiyoti tarixi

sft. Achinish uygʻotuvchi holatli, bechora, shoʻrlik.

— Otang boyoqish charchab, boʻlganicha boʻldi, — dedi ona. — P. Tursun, Oʻqituvchi

Boyoqish koʻp yaxshi odam edi; insofli, hamiyatli edi. — Oybek, Tanlangan asarlar

Bolamga koʻz tegdimi, bilmayman. Bolam boyoqish notinchroq boʻlib qoldi. — Mirmuhsin, Umid

ot Boʻyoqchi ustalar ishlaydigan yoki boʻyash uchun lozim boʻyoqlar, boshqa xil narsalar saqlanadigan maxsus xona; doʻkon.