Поиск

fl. 1. Rang bermoq, boʻyoq surtib bezamoq.

Xonaning shifti va devorlari koʻhsiz, lekin yaltiroq boʻyoqlar bilan boʻyalgan. — O. Yoqubov, Er boshiga ish tushsa

Sochi erkakcha qirqilgan labini shundogʻam boʻyaganki, xuddi pomidor tishlab kelayotganga oʻxshaydi. — S. Ahmad, Saylanma

2. Biror narsa bilan qoplab, tusini oʻzgartirmoq, boshqa tusga kiritmoq.

Chang butun mahallani: tomlarni ham, devorlarni ham, suvsizlikda qaqrab qolgan yakkam-duk-kam daraxtlarni ham bir xildagi jonsiz, oqish rangga boʻyardi. — A. Muxtor, Opa-singillar

3. Belamoq, bulgʻamoq, botirmoq.

Poʻlat ota, koʻkragi qip-qizil qonga boʻyalib, gurs etib yiqildi. — K. Yashin, Hamza

Oʻtlarini boʻyamas tabarruk qonga, Tuproqni muqaddas rangga boʻyamas. — X. Davron, Qaqnus

4. koʻchma Buzib, oʻzgartirib yoki yomon tomonlarini yashirib, yaxshi tomondan koʻrsatmoq; pardoz bermoq.

Haqiqatni boʻyamoq.

Gʻofir boʻlsa, barcha soʻzlarim Murotaliga maʼqul boʻlayotir, deb koʻnglidan oʻtkazdi-da, Oyqiz bilan boʻlgan suhbatini anchagina boʻyab koʻrsatdi. — Sh. Rashidov, Boʻrondan kuchli

Koʻplab aytding soʻzingni, Lekin boʻyab aytmading. — Sharq yulduzi

rvsh. Soʻz borayotgan paytdan birmuncha vaqt oldin; hali; yaqinda.

Boya shivalab yogʻa boshlagan yomgʻir tingandi. — M. Muhamedov, Qahramon izidan

Munira ham, Ahmad ham boya oʻrtalarida boʻlib oʻtgan toʻqnashuvni unutmagan edilar. — F. Musajonov, Himmat

ot Qadimgi Moskva Rusida hokim sinf vakili, katta yer egasi.

узбекскийBoʻyoqказахскийБояутуркменскийÖwüşginрусскийОкраска

rvsh. Boya, hali sodir boʻlgan, boya yuz bergan, koʻrilgan, eshitilgan; haligi.

Zokir ota xolaning boyagi shikoyatini eslab, koʻnglidagi gapni aytolmadi. — Guldasta

Anvar kuldi. Ammo bu kulish uning boyagi kulgilaridan tamoman boshqa, yaʼni baxtiyorlik kulgisi edi. — A. Qodiriy, Mehrobdan chayon

Yomgʻir boyagidan ancha tezlashgan boʻlsa.-da, osmon yorisha boshlagan edi. — S. Karomatov, Oltin qum

sft. 1. Boʻyalgan, rang berilgan.

Boʻyama teri.

2. koʻchma Soxta, qalbaki.

Boʻyama gap.